ئەنگىلىيە «كۈندىلىك پوچتا گېزىتى» نىڭ 2-ئاينىڭ 5-كۈنىدىكى دوكلاتىغا قارىغاندا، ھىندونېزىيە سۇۋارا دۇپا ئارىلىنىڭ غەربىدىكى مېنتاۋاي تاقىم ئاراللىرىدا، يەرلىك ئاھالىلەر يەنىلا ئىپتىدائىي تۇرمۇش ئادىتى بويىچە ياشاپ كەلگەن. ئۇلار شاۋقۇن-سۈرەندىن خالىي، ئاددىي-ساددا بولغان كۈن كەچۈرىدىكەن. ھىندونېزىيەنىڭ كېلانتان ئوبلاستىدىكى بىر فوتوگراف بۇ قەدىمىي قەبىلىنىڭ تۇرمۇشىنى ئىگىلەش ئۈچۈن ئۇلارنىڭ تۇرۇشلۇق جايىغا بارغان ھەمدە رەسىمگە تارتىپ خاتىرىلىگەن. ئۇنىڭ بۇ رەسىملىرى تاشقى دۇنياغا بۇ ئىپتىدائىي سىرلىق قەبىلىنىڭ چۈمپەردىسىنى ئېچىپ بەرگەن.

      بۇ قەبىلىنىڭ كىشىنىڭ دىققىتىنى تارتىدىغان ئەڭ روشەن ئالاھىدىلىكى بولسا ئۆزلىرى ئوۋلىغان ھايۋاناتلارنىڭ باش سۆڭىكىدە ئۆي جاھازىلىرى ياسىغانلىقى ئىكەن. بۇ قەبىلىدە تەخمىنەن 64 مىڭ نوپۇس بار بولۇپ، ئۇرۇقداشلىقنى ئاساس قىلىپ ياشايدىكەن. ھەر بىر ئۇرۇقداشلىقتا جەمئىي 30~80 ئەزا بولىدىكەن. ئۇلار رەخت ۋە دەرەخ يوپۇرماقلىرى بىلەن تېنىنى ئېتىدىكەن. ئېچىلىپ قالغان قىسمىغا گۈل سىزىۋالىدىكەن. ئۆينى بامبۇك، ياغاچ، ئوت-چۆپ ۋە ھايۋاناتلارنىڭ باش سۆڭىكى قاتارلىقلارنى ئىشلىتىپ ياسايدىكەن. تۇرمۇشتا پۈتۈنلەي ئارالدىكى تەبىئىي بايلىققا تايىنىدىكەن.

     مېنتاۋايلىقلارنىڭ بىر مۇھاكىمە قىلغۇچىسى بولۇپ، ئۇ تەبىئەت دۇنياسىدىكى ھەممە نەرسىنىڭ ئۆزىنىڭ تېنىدىن ھالقىغان روھى بولىدۇ، دەپ قارايدىكەن. مەيلى ئاغرىپ قالسۇن ياكى تەبىئىي ئاپەت بولسۇن، پېرىخونلار بۇلارنىڭ روھلىرى بىلەن پىكىرلىشىپ ئاخىرىدا ئۇلارنى ھەيدەپ چىقىرالايدۇ، دەيدىكەن.

     بۇ يەردىكى كىشىلەر سىرتقى دۇنيادىكى مەدەنىيەتلىك كىشىلەرنىڭ كېلىپ زىيارەت قىلىشىنى قارشى ئالىدىكەن. بۇ يەردىكى ئەرلەرنىڭ كۆپىنچىسى «قەھرىمان» دەپ قارىلىدىكەن. ئۇلارنىڭ ھەر بىرى ناھايىتى خۇشال ياشايدىكەن.