قىش كىرىشى بىلەن كۆپلىگەن كىشىلەر چاي ئىچىشكە باشلايدۇ، بىر ئىستاكان ئىسسىق چاي بەدەننى ئىللىتىپلا قالماستىن يەنە سالامەتلىككىمۇ پايدىلىق. چايلار پىششىقلاپ ئىشلەش  ھۈنەر-سەنئىتىنىڭ ئوخشىماسلىقىغا قاراپ  يېشىل چاي، پەمىل چاي، يېشىل چاي، قارا چاي،  ئاق چاي ۋە سېرىق چاي ئالتە تۈرگە ئايرىلىدۇ، ئوخشاش بولمىغان چاينىڭ ساقلىقنى ساقلاش رولىمۇ زور دەرىجىدە پەرقلىنىدۇ. قىش پەسلىدە چاي ئىچىشنى ياخشى كۆرىدىغانلار، نېمىگە دىققەت قىلىش كېرەك؟

　　يېشىل چاي ئىسسىقنى قايتۇرۇپ  راكنىڭ ئالدىنى ئالىدۇ، ئاشقازىنىنى سوغۇق  ئېلىپ كەتكەن كىشىلەر كۆپ ئىچمەسلىك كېرەك

　　ئىگىلىنىشىچە،  يېشىل چاينىڭ  تەركىبىدە كاتېخىن قاتارلىق پولىفېنول تۈرىدىكى بىرىكمىلەر بار بولۇپ، سالامەتلىككە ئىنتايىن پايدىلىق، راك كېسىلىنىڭ ئالدىنى ئالىدىكەن. يۈرەك قان تومۇرنى ياخشىلايدىكەن، بەدەننى ئورۇنقلىتىدىكەن. ئۇنىڭدىن باشقا  يېشىل چاي  ۋىتامىن تۈرلىرى ئەڭ كۆپ، چاي تۈرى بولغانلىقتىن باشقا چاي تۈرلىرى بىلەن  سېلىشتۇرغاندا،  يېشىل چاينىڭ راكقا قارشى تۇرۇش ئۈنۈمى بىر قەدەر ياخشى  ئىكەن. يېشىل چاي سۈت بېزى، مەزى بېزى، ئۆپكە،  ئېغىز بوشلۇقى،  دوۋساق،  بوغماق ئۈچەي،  ئاشقازان،  ئاشقازان ئاستى بېزى قاتارلىق  جايلاردا ئۆسمە پەيدا بولۇش خەتىرىنى تۆۋەنلىتىدىكەن.

　　پەمىل چاي ئاشقازاننى ئاسراپ يۈرەكنى قوغدايدۇ ئاياللار ۋە ياشانغانلارنىڭ ئىچىشىگە تېخىمۇ باب كېلىدۇ

　　«پەمىل چاي ئاشقازاننى ئاسراپ، چىراينى گۈزەللەشتۈرىدۇ، بولۇپمۇ ئاياللارنىڭ ئىچىشىگە ئەڭ ماس كېلىدۇ.

　　كەسپىي خادىملارنىڭ دېيىشىچە ، چاي سېرىق پىگمېنتى پەمىل چاي ئىچىدىكى ئەڭ مۇھىم ئىقتىدارلىق تەركىب ئىكەن.  چاي سېرىق پىگمېنتى ئوكسىدلىنىشقا ۋە  راكقا قارشى تۇرىدىكەن، ئاستا خاراكتېرلىك ياللىغۇلىنىش ۋە سېمىزلىك كېسىلىنىڭ ئالدىنى ئالىدىكەن. كۆپلىگەن مېدىتسىنا تەتقىقاتىدىن مەلۇم بولۇشىچە، پەمىل چاي قان تومۇر كېسەللىكلىرىنىڭ ئالدىنى ئېلىش ئۈنۈمى كۆرۈنەرلىك ئىكەن.  پەمىل چاي ئىچكەندىن كېيىن، ئادەم بەدىنىدىكى قىزىل قان تومۇردىكى تۆۋەن زىچلىقتىكى ماي ئاقسىلى ۋە يۇقىرى زىچلىقتىكى ماي ئاقسىلىنىڭ مىقدارى تەڭشىلىدىكەن. شۇنىڭ بىلەن قان تومۇر كېسەللىكلىرىنىڭ يۈز بېرىش ئېھتىماللىقىمۇ  تۆۋەنلەيدىكەن.

　　قارا چاي سوغۇققا تاقابىل تۇرۇپ ماينى سېرىيدۇ تەن ساپاسى ئاجىز كىشىلەرنىڭ ئىچىشىگە ماس كېلىدۇ

　　ھاۋا سوۋۇغاندا  نۇرغۇن كىيىم كىيسىڭىزمۇ پۇت قوللىرىڭىز مۇزلاپ كەتسە قانداق قىلىش كېرەك ؟  قىش پەسلىدە سوغۇققا قارشى تۇرۇشتا  چاي ئېچىش ياخشى چارە. لېكىن قايسى خىل چاي ئىچىش كېرەك؟  كەسپىي زاتلارنىڭ تەھلىل قىلىشىچە ئىككىلەمچى ئېچىتىلگەن قارا چاينى ئىچكەندە مىكرو ئورگانىزملارنىڭ تەسىرىدە، بىر قاتار مۇرەككەپ خىمىيىۋى رېئاكسىيە يۈز بېرىپ ئادەم بەدىنىگە پايدىلىق فۇنكسىيىلىك تەركىب پەيدا بولىدىكەن، بولۇپمۇ سوغۇققا قارشى تۇرۇشقا پايدىسى بار ئىكەن. تەن ساپاسى ئاجىز كىشىلەرنىڭ ئىچىشىگە بەكمۇ ماس كېلىدىكەن.