تېڭشۈن تەنتەربىيەسى 21-مارت خەۋىرى: باغداش تورىدىن لوقمان تەرجىمىسى

2015-يىللىق ئالتۇن توپ مۇكاپات ساھىبىنى تاللاشتا، نېيمار ئۈچىنچى بولغان، برازىلىيەلىك ئامما ئارىسىدىن چىققان توپچى مېدىيالار تەرىپىدىن كەلگۈسىدە مېسسى، كىرىستىيانو رونالدولار بىلەن مۈرىنى مۈرىگە تىرەپ تۇرالايدىغان شەخس، دەپ تەرىپلەندى. ئىسپانىيە مېدىياسى «كۈندىلىك تەنتەربىيە گېزىتى»نىڭ خەۋىرىگە ئاساسلانغاندا، «سودا ئىچكى سىرى تورى» بۈگۈنكى دۇنيادىكى 35 ياشتىن تۆۋەن ئەڭ تەسىر كۈچىكە ئىگە شەخسلەرنى باھالاشتا، نېيمارنى تىزىملىككە كىرگۈزگەن، ئۇ پۇتبول چەمبىرىكى ئىچىدىن تاللانغان بىردىنبىر توپچى ئىكەن. گەرچە مېسسى ۋە كىرىستىيانو رونالدونىڭ ئىككىلىسى 35 ياشتىن تۆەن بولسىمۇ، ئۇلاردىن بىرسىمۇ تاللىنالمىغان.

«سودا ئىچكى سىرى تورى»نىڭ بۇ قېتىملىق ئەڭ تەسىر كۈچىكە ئىگە شەخسلەرنى باھالاشتىكى ئىككى مۇھىم نۇقتىسى: بىرىنچى، تاللانغۇچىنىڭ يېشى 35 ياشتىن تۆۋەن بولۇش كېرەك. ئىككىنچى، تاللانغۇچى سودا ۋە كۆڭۈل ئېچىش ساھەسىنىڭ ھەر ئىككىلىسىدە تەسىر كۈچىگە ئىگە بولۇش كېرەك. مەزكۇر توربەت يۇقارقى ئىككى نۇقتىنى چىقىش نۇقتىسى قىلىپ، توققۇز ئادەمنى تاللاپ چىققان.

نېيمارنىڭ پۇتبول مەيدانىدىكى يۇشۇرۇن كۈچى چەكسىز، سودا ساھەسىدە ئۆزىنىڭ شىركىتى بار، ھەمدە ئۆزى ئىشلەپچىقارغان «NJR» ماركىسىدىكى مەھسۇلاتلىرى بار. ئۇنىڭ شىركىتى بىر قانچە تەنتەربىيە تۈرلىرىنىڭ ئېچىلىشى بىلەن مۇناسىۋەتلىك، شۇنداقلا نۆۋەتتىكى مەزگىلدە ئۇ يەنە ئىتالىيەدىكى داڭلىق پادىچىلار كىيىم ماركىسى «replay» بىلەن ھەمكارلىشىۋاتىدۇ، نېيمار پادىچىلار كىيىمىنى لايىھەلەشكە قاتناشقان، بارسېلونا كوماندىسىكى دوستلىرى نېيمارنىڭ يېڭى نۇسخىدىكى پادىچىلار كىيىمى ئۈچۈن سەھنىدە تۇرۇپ تەشۋىق قىلىۋاتىدۇ.

نېيمارمۇ دائىم كۆڭۈل ئېچىش سورۇنلىرىدا پەيدا بولىدۇ، ئىلگىرى بېكخامنىڭ چوڭ ئوغلىنىڭ قىز دوستى كروي بىلەن چۈشكەن سۈرىتى مېدىيالارنىڭ قىزغىن مۇنازىرىسىنى قوزغىغان، ئۇنىڭ بەدىنىدىكى چەكمىسى ۋە ئۆزىگە خاس خاراكتېرى ، شۇنداقلا كىيىنىش ئۇسلۇبىمۇ مېدىيالارنىڭ دىققىتىنى ئۆزىگە تارتقان.

نېيمار بۇ قېتىم «سودا ئىچكى سىرى تورى» تاللاپ چىققان ئەڭ تەسىر كۈچىگە ئىگە شەخس قاتارىغا كىرگەن بولۇپ، پۇتبول ساھەسىدىن بۇ تۈرگە تاللانغان بىردىنبىر توپچى بولۇپ ھېسابلىنىدۇ. بۈگۈنكى دۇنيا پۇتبول مۇنبىرىدىكى ئىككى چوڭ كاتتىباش مېسسى بىلەن كىرىستىيانو رونالدو تاللىنالمىغان، مېسسىنىڭ توپ تېخنىكسى ئىنتايىن ياخشى. ئەمما سودا ۋە كۆڭۈل ئېچىش ساھەسىدىكى ئىپادىسى بىر قەدەر ناچار. ئەمما كىرىستىيانو رونالدونىڭ بۇ ئىككىلا ساھەدە تالانتى بار، ئۇنىڭ تاللىنالمىسى كىشىلەرنى ئەجەبلەندۈرىدۇ.

نېيماردىن باشقا، ئەڭ تەسىر كۈچىگە ئىگە شەخسلەردىن Facebookنىڭ قۇرغۇچىسى زاكىربېرگ، سەئۇدى ئەرەبىستان پادىشاھى سالماننىڭ ئوغلى مۇھەممەد بىن سالمان، ناخشا چولپىنى جاستىن بىيبېر، بيونىس، ئامېرىكا ئىجتىمائىي ئالاقە ماھىرى كارداشىن، ئامېرىكىدىكى مودا ناخشا شاھى lady gaga، مېكسىكىدىكى ئايال ئارتىس لۇپىتا نىيوڭئو ۋە پۇتىننىڭ قىزى ئېكاتېرىنا تىكونوۋا قاتارلىقلارمۇ بار.