«خۇاشاڭ گېزىتى» خەۋىرى، تۈنۈگۈن چۈشتىن كېيىن سائەت 4:40 دە، شاڭلو شەھەرى شاڭ جوۋشىن يۈەنشىن كانچىلىق چەكلىك مەسئۇلىيەت شىركىتىنىڭ يۈپىڭدىكى ئالتۇن كانىدا ماي ئىسى بىلەن زەھەرلىنىش ۋەقەسى يۈز بېرىپ، تۆت كىشىنىڭ  ئۆلۈشى، بىركىشىنىڭ يارلىنىشىنى كەلتۈرۈپ چىقاردى.

   تۈنۈگۈن كەچ سائەت 6:30 دا، شاڭلو شەھەرى مەركىزىي دوختۇرخانىسى جىددىي قۇتقۇزۇش بۆلۈمىدە، بىر كان ئىشچىسى ئوكسېگىن ماسكىسى تاقىۋالغان، چىرايى تاتىراڭغۇ، نەپەسلىنىشى قىيىن ئىدى. ئۇ ئازابلانغان ھالدا: چۈشتىن كېيىن ئۇ بىر قانچە ئىشچى بىلەن ھىم بوشلۇقتا خىزمەت قىلىۋتاتتۇق، ھاۋا ئۆتكۈزۈشچانلىقى نورمال بولمىغانلىقى، ھەمدە ئىچىدە تۇرغان ۋاقىتنىڭ ئۇزۇن بولغانلىقىدىن زەھەرلەنگەنلىكىنى ئېيتتى. دوختۇرنىڭ ئېيتىشىچە، بىمار تېخى ھاياتى خەۋپتىن قوتۇلمىغان.

   شۇ كۈنى كەچ سائەت 11دە، شاڭ جوۋ رايونى بىخەتەرلىكنى نازارەت قىلىش ئىدارىسى مۇناسىۋەتلىك مەسئۇلىنىڭ چۈشەندۈرۈشىچە، دەسلەپكى قەدەمدە ئېنىقلىشىمىزچە، ۋەقە يۈز بېرىشنىڭ ئالدىدا،  بەش نەپەر ئىشچى تاغ ئىچىدە كاننى تەكشۈرىۋاتقان، ئىشلەتكىنى بولسا دىزېلماتور، ھاۋا ئۆتكۈزۈشچانلىقى نورمال بولمىغانلىقتىن زەھەرلىنىش كېلىپ چىققان. نۆۋەتتە كان قۇتقۇزۇش ئەترىتى نەخ مەيداندا تەكشۈرۈپ ئېنىقلىماقتا.

   مەلۇماتلارغا قارىغاندا، بۇ كانچىلىق شىركىتى شاڭ جوۋ رايونى يېسۈن بازىرى يۈپىڭ كەنتتىدە بولۇپ، پاي تۈزۈمىدىكى شىركەت ئىكەن، خوجايىنلارنىڭ كۆپىنچىسى سىچۈەنلىك ئىكەن، كان باشلىقى بولسا شاڭ جوۋلۇق ئىكەن، نۆۋەتتە كان باشلىقى بىلەن بىر خوجايىن ساقچى تەرەپنىڭ كونتروللۇقىدا. تۆت نەپەر ئۆلگەن كىشىنىڭ ھەممىسى شەندۇڭلۇق بولۇپ، ئائىلە-تاۋابىئاتلىرىنىڭ بىر قىسمى يېتىپ كەلگەن.

   تۈنۈگۈن كەچ، شاڭجوۋ رايونىدىكى ئاساسلىق رەھبەرلەر نەخ مەيدانغا يېتىپ كېلىپ، تەكشۈرۈش ۋە قالغان ئىشلارنى بىر تەرەپ قىلىشقا يېتەكچىلىك قىلدى. شاڭلو شەھەرىنىڭ شەھەر باشلىقى چېن جۈن ۋە بىخەرتەلىكنى باشقۇرۇشقا مەسئۇل مۇئاۋىن شەھەر باشلىقىمۇ نەخ مەيدانغا يېتىپ كەلدى. نۆۋەتتە ۋەقە يۈز بەرگەن ئالتۇن كان بۇيرۇق بىلەن ئىشلەپچىقىرىشتىن پۈتۈنلەي توختىتىلدى.