جۇڭگو ئۇيغۇرچە رادىيو تورى 4-فېۋرال بېيجىڭ خەۋىرى:
يېقىندا شىنجاڭ ئۇيغۇر ئاپتونوم رايونى خوتەن ۋىلايىتى لۇپ ناھىيەسىنىڭ قىيقاش كەنتى 6-، 7- ئەترىتىدىكى 1210 كەنت ئاھالىسى ئون يىلدىن ئارتۇق لاي سۇ ئىچىش تارىخىغا خاتىمە بېرىپ، سۇزۇك تۇرۇبا سۈيى ئىچىدىغان بولدى.

بۇ شىنجاڭ ئەل رايونى تەكشۈرۈش، خەلق تۇرمۇشىغا نەپ يەتكۈزۈش، خەلق قەلبىنى مۇجەسسەملەش پائالىيىتىنى قانات يايدۇرغان بىر يىلدىن بۇيانقى مۇۋەپپەقىيەتلەرنىڭ كارتېنىسى.

ئۆتكەن يىلى شىنجاڭ خەلق تۇرمۇشى قۇرۇلۇشى تۈرلىرى ئاساسىدا، مالىيە ۋە ھەر دەرىجىلىك خىزمەت گۇرۇپپىلىرى 2 مىليارد يۈەندىن ئارتۇق مەبلەغ توپلاپ، يېزا تاشيولى، ئېلېكتىر تورىنى ئۆزگەرتىش، ئولتۇراقلاشتۇرۇپ خەلقنى بېيىتىش، ئولتۇراقلاشتۇرۇپ چارۋىچىلىقنى گۈللەندۈرۈش، سۇچىلىق ئەسلىھەلىرى، باقمىچىلىق كىچىك رايونى تۈرىدىن بولۇپ ئون مىڭغا يېقىن تۈرنى يولغا قويدى.

ئۇندىن باشقا، ھەرقايسى كەنتلەردە تۇرۇشلۇق خىزمەت گۇرۇپپىلىرى يەنە ئۆز ئىدارىسىنىڭ ئۈستۈنلۈكىنى جارى قىلدۇرۇپ، كوللېكتىپ ئىگىلىكىنى زورايتىش، يېزا ئىگىلىكى كوپراتىپى قۇرۇشقا؛ ئەمگەك كۈچى چىقىرىش خىزمىتىنى ئوبدان ئىشلەش، ماھارەت بويىچە تەربىيەلەشنى كۈچەيتىش، دېھقانلارنىڭ كىرىمىنى ئاشۇرۇشقا ياردەم بەردى؛ نامراتلارنى يۆلەش خەلققە نەپ يەتكۈزۈش سىياسىتىنى تەشۋىق قىلىپ ۋە ئەمەلىيلەشتۈرۈپ، كەنت ئاھالىلىرىنىڭ باقمىچىلىقنى تەرەققىي قىلدۇرۇش، قول ھۈنەرۋەنچىلىك ياسىمىچىلىقى، دېھقانچىلىق مەھسۇلاتلىرىنى سېتىش، ئەمەلىي كۈچ ئىقتىدارىنى ئۆستۈرۈشىگە ياردەم بېرىپ، كۆرۈنەرلىك ئۈنۈم ھاسىل قىلدى.