ئەڭ يېڭى تەتقىقات نەتىجىسىدە بايقىلىشىچە، شامالدارىش، قىسمەن قان يېتىشمەسلىك خاراكتېرلىك يۈرەك كېسىلى ۋە سوزۇلما خاراكتېرلىك ئۆپكە تىقىلمىسى جۇڭگو پۇقرالىرىنىڭ ئۆلۈشنى كەلتۈرۈپ چىقىرىۋاتقان ئاساسلىق كېسەللىكلەر ئىكەن، 2013-يىلى بۇ ئۈچ چوڭ كېسەللىك سەۋەبىدىن ئۆلگەنلەرنىڭ سانى ئۆلگەنلەر ئومۇمىي سانىنىڭ %46 ىنى ئىگىلىگەن.

188 دۆلەتتىكى سانلىق مەلۇماتلارغا قارىتا ئۇنىۋېرسال ئانالىز قىلىش نەتىجىسىدە كۆرسىتىلىشىچە، بۇ يىل جۇڭگودىكى ۋاقتى توشماي تۇغۇش ئەگەشمە كېسەللىكى ۋە ئۆپكە ياللۇغى كەلتۈرۈپ چىقارغان ئۆلۈش بارغانسېرى ئازلىغان. 1990-يىلىدىن 2013-يىلىغىچە بولغان ئارىلىقتا، ۋاقتى توشماي تۇغۇش سەۋەبىدىن كېلىپ چىققان ئۆلۈش نىسبىتى %87 تۆۋەنلىگەن، 1990-يىلىغا سېلىشتۇرغاندا، 2013-يىلى جۇڭگودا باشقا كېسەللىكلەر كەلتۈرۈپ چىقارغان ئۆلۈش نىسبىتىدە يۇقىرىلاش كۆرۈلگەن، مەسىلەن: ئاستا خاراكتېرلىك بۆرەك كېسىلى ۋە ياشانغانلار دېۋەڭلىك كېسىلى قاتارلىق. بۇنىڭدىن باشقا، جۇڭگولۇقلارنىڭ ئۆمرى ئۇزارغان بولۇپ، 1990-يىلىدىكىگە سېلىشتۇرغاندا ئوتتۇرىچە ھېساب بىلەن 8.6 يىل ئۇزىراپ، دۇنيانىڭ ئوتتۇرىچە سەۋىيەسىدىن يۇقىرى بولغان، شۇنداقلا دۇنيانىڭ ھەرقايسى رايونلىرىدىكى ئۆمۈر مۆلچەرى ئۇزىراش تەرتىپىدە 25-ئورۇندا تۇرغان.

تەتقىقاتتا كۆرسىتىلىشىچە، جۇڭگودىكى ئەڭ خەتەرلىك كېسەللىك شامالدارىش، قىسمەن قان يېتىشمەسلىك خاراكتېرلىك يۈرەك كېسىلى ۋە سوزۇلما خاراكتېرلىك ئۆپكە تىقىلمىسى ئىكەن، 2013-يىلى بۇ ئۈچ چوڭ كېسەللىك سەۋەبىدىن ئۆلگەنلەرنىڭ سانى ئۆلگەنلەر ئومۇمىي سانىنىڭ %46 ىنى ئىگىلىگەن. قاتناش ھادىسىسى ۋە شامالدارىش 15 ياشتىن 49 ياشقىچە بولغان كىشىلەر توپىنىڭ ئۆلۈش سەۋەبىدىكى ئاساسلىق سەۋەب بولۇپ، 2013-يىلى 267 مىڭ 576 كىشىنىڭ ئۆلۈشنى كەلتۈرۈپ چىقارغان. 70 ياشتىن يۇقىرى كىشىلەر توپىدا، شامالدارىش ئەڭ ئاساسلىق ئۆلۈش سەۋەبى ئىكەن. لېكىن، بالىلارنىڭ ئۆلۈپ كېتىشىدىكى ئەڭ ئاساسلىق سەۋەب غەيرىي تۇغۇلۇپ قېلىش بولۇپ، 2013-يىلى 5 ياشتىن تۆۋەن 50 مىڭ 853 بالا شۇ سەۋەبتىن ئۆلۈپ كەتكەن.

لەگلەك تورى ئۈندىدار سالونىنى قۇشۇۋېلىڭ ،ئىزدەش نومۇرى :LEGLEK