ئېكۋاتور ئىچكى ئىشلار مىنىستىرلىقىنىڭ يېقىندا ئاشكارىلىشىچە، دېڭىزدا قانۇن ئىجرا قىلىش ئورگانلىرى يېقىندا گالاپاكوس تاقىم ئاراللىرى ئەتراپىدا بىر سۇ ئاستى كېمىسىنى تۇتۇۋېلىپ، ئۈچ توننا كوكائىننى قولغا چۈشۈرگەن.

     ئېكۋاتور ئىچكى ئىشلار مىنىستىرى Jose Serrano نىڭ ئېيتىشىچە، بۇ سۇ ئاستى كېمىسى ئەينى ۋاقىتتا ئېكۋاتور ۋە كولومبىيەنىڭ دېڭىز چېگراسىدا مېخانىكىلىق كاشىلا چىققانلىقتىن ئېكۋاتور ساقچىلىرى تەرىپىدىن تۇسۇۋېلىنغان ھەمدە كېمىدىكى ئۈچ ئادەم قولغا ئېلىنغان. شىنخۇا تورىنىڭ خەۋەر قىلىشىچە، ئېكۋاتور ۋە كولومبىيەنىڭ زەھەر چەكلەش تارماقلىرى بىردەك زەھەر ئەتكەسچىلىك گۇرۇھى بىر قوللۇق ياسىغان بۇ سۇ ئاستى كېمىسىنى ئىز قوغلىغان.

سۈرەتتە: ئېكۋاتور قانۇن ئىجرا قىلىش تارماقلىرى 2010-يىلى قولغا چۈشۈرگەن يەنە بىر زەھەر يۆتكەيدىغان سۇ ئاستى كېمىسى

   يەرلىك تاراتقۇلارنىڭ خەۋەر قىلىشىچە، بۇ زەھەرلىك چېكىملىكلەرنىڭ مەنزىلى ئامېرىكا بولۇپ، زەھەر ئەتكەسچىلىكىگە قارشى تۇرۇش ھەرىكىتى يەنە ،ئامېرىكا ھۆكۈمىتىنىڭ ھاۋادىن ياردەم بېرىشىگە ئېرىشكەن. بۇ يىل 9-ئايدا، زەھەر يۆتكەشكە چېتىشلىق دەپ گۇمان قىلىنغان بىر سۇ ئاستى كېمىسى ئېكۋاتور دېڭىز چېگراسىدا توسۇۋېلىنغان.