سانجى ئۈرۈمچىگە بىر قەدەر يېقىن، ھاۋا كىلىماتى ۋە كۆرۈش ئارىلىقى قاتارلىق شەرتلەر ئايرودۇرۇم قۇرۇلۇش تەلىپىگە ماس كېلىدۇ.

ئۈرۈمچى يېڭى ئايرودۇرۇمى قەيەرگە قۇرۇلىدۇ ؟ پۈتكەندىن كېيىن بېرىپ-كېلىش قولايلىقمۇ ؟ بۇ مەسىلىلەر ئۈرۈمچى ئاھالىلىرى ئىزچىل تۈردە دىققەت قىلىدىغان قىزق نۇقتا بولۇپ قالغانىدى . 9-سېنتەبىر مۇخبىرنىڭ ئالاقىدار تارماقلاردىن ئىگىلىشىچە ، يېقىندا ئۆتكۈزۈلگەن بىر كېلىشىم ھاسىل قىلىش مۇراسىمىدا ، سانجى شەھىرىنىڭ باشلىقى ما خوڭجۈن سانجى شەھىرىنىڭ سېلىنما تەرەققىياتىدىكى كوزىر ــ ئۈرۈمچى يېڭى ئايرودۇرۇمىنىڭ سانجىغا قۇرۇلىدىغانلىقىنى ئېيتقان .    

ما خوڭجۈننىڭ ئېيتىشىچە ، يېڭى ئايرودۇرۇم پۈتكەندىن كېيىن، بۇ ئايرودۇرۇم ئوتتۇرا ئاسىيا، غەربىي ئاسىيا ۋە ياۋروپاغا يۈزلەنگەن، ھەر يىلى توشۇلىدىغان يولۇچى سانى 30 مىليون (ئادەم / قېتىم )غا يېتىدىغان ئاۋىياتسىيە ئىقتىساد راۋان يولىغا ئايلىنىپلا قالماي ، جۇڭگونىڭ غەربكە ئېچىۋېتىشتىكى ئەڭ چوڭ رايون خاراكتېرلىك ھاۋا قاتناش تۈگۈنىگە ئايلىنىدىكەن .   

ئىگىلىنىشىچە، يېڭى ئايرودۇرۇمنىڭ سانجى شەھىرىدىكى كونكېرت ئورنىنى بېكىتىش خىزمىتى بىر يىلغا يېقىن ئېلىپ بېرىلغان ۋە ئىلگىرى-ئاخىر بولۇپ ، ئالتە-يەتتە ئورۇن تاللانغان بولۇپ ، نۆۋەتتە ، ئەڭ ئاخىرقى تاللاپ بېكىتىش باسقۇچىغا كىرگەن .    

تونۇشتۇرۇلۇشىچە ، سانجى ئۈرۈمچىگە بىر قەدەر يېقىن ھەم مەلۇم جۇغراپىيەلىك ئەۋزەللىككە ئىگە بولغانلىقتىن ، شۇنداقلا كىلىمات شارائىتى ۋە كۆرۈش ئارىلىقى بۇ قۇرۇلۇشقا ماس كەلگەنلىكتىن ، يېڭى ئايرودۇرۇمنى سانجىغا قۇرۇش پىلانلانغان بولۇپ ، قۇرۇلۇش پۈتكەندىن كېيىن ، ‹‹ سانجى خەلقئارا ئايرودۇرۇمى ››، ‹‹ قار لەيلىسى خەلقئارا ئايرودۇرۇمى››، ‹‹تەڭرىتاغ خەلقئارا ئايرودۇرۇمى ››، ‹‹ بۇغدا خەلقئارا ئايرودۇرۇمى ›› قاتارلىق ئىسىملاردىن بىرى تاللىنىدىكەن .