پۇتبول تورى خەۋىرى لەگلەك تورى تەرجىمىسى

بېيجىڭ ۋاقتى 12-ئاينىڭ 4-كۈنى شاڭخەي يېشىل دىيار شېنخۇا پۇتبول كۇلۇبى ئاخبارات ئېلان قىلىش يېغىنى ئېچىپ فىرانسىيىلىك گىرو نىڭ كۇلۇبنىڭ يېڭى مۇسابىقە پەسلىدىكى باش مەشقاۋۇلى بولغانلىقىنى ئېلان قىلدى.

گىرو بۇ يىل 54 ياش. ئىلگىرى رانس، سوشا ، بولدو قاتارلىق كوماندىلارغا مەشقاۋۇل بۇلۇپ باققان. بۇرۇن بولدۇ كۇلۇبىدىكى ۋاقتىدا فىرانسىيە لوڭقىسىنى تالىشىش مۇسابىقىسىنىڭ چېمپىيۇنلۇقىغا ئېرىشكەن. بۇ يىل 5-ئايدا بولدۇ كۇلۇبىدىكى مەشقاۋۇللۇق ئورنىدىن ئايرىلغان. بۇ قېتىملىق ئاخبارات ئېلان قىلىش يېغىنىغا گىرو شاڭخەيگە كېلىپ بولالمىغانلىقى ئۈچۈن قاتنىشالمىدى.

ئۇنىڭدىن كېيىن شېنخۇا كۇلۇبىنىڭ بۇ پەسىللىك يېڭى قۇشۇلغان ئىككى توپچىسى ۋاڭ بىن بىلەن لى جىيەنبىن ئاخبارات ئېلان قىلىش نەق مەيدانىدا پەيدا بولدى.ۋاڭ بىن بولسا تېخنىكىسى ئىنچىكە ئوتتۇرا مەيدان توپچىسى . تېخى يېقىندىلا ئوشاش شەھەردىكى رەقىبى شاڭخەي شېنشىن كۇلۇبىدىن يۆتكىلىپ كەلگەن. ئوتتۇرا بېك لى جىيەنبىن بولسا گۇاڭجۇ خېڭدا كۇلۇبىدىن يۆتكىلىپ كەلگەن. رەسمىي يۆتكىلىپ كېلىشتىن بۇرۇن 2013-يىللىق مۇسابىقە پەسلىدە ئارىيەت شەكلىدە بىر يىل شېنخۇا كۇلۇبىدا توپ تەپكەن.