قازاقىستاننىڭ مۇئاۋىن زۇڭلىسى دەرىغە نۇر سۇلتان قىزى نەزەربەيىۋا 5- فېۋرال، جۇڭگو ئىقتىسادى جۇش ئۇرۇپ تەرەققىي قىلماقتا، قازاقىستانلىقلار خەنزۇ تىلىنى ئۆگىنىشى كېرەك ، بۇ ئۇلارنىڭ ئىشقا ئورۇنلىشىشىغا ياردىمى بولىدۇ دېدى.

      ئىگىلىنىشچە، جۇڭگو نېفىت خىمىيە شىركىتى، خۇۋىي، جۇڭگو تېلېگراف، جۇڭگو بانكىسىنى ئۆز ئىچىگە ئالغان جۇڭگونىڭ چوڭ تىپتىكى كارخانىلىرى قازاقىستانغا بەس بەستە مەبلەغ سېلىپ، شۇ يەردىكى كىشىلەر ئۈچۈن كۆپلىگەن ئىشقا ئورۇنلىشىش پۇرسىتى يارىتىپ بەرگەن. نۆۋەتتە، قازاقىستان كۇڭزى ئىنستىتۇتىدىن تۆتنى قۇردى، بىراق يەنىلا شۇ يەردىكى كىشىلەرنىڭ خەنزۇ تىلىنى ئۆگىنىش ئېھتىياجىنى قاندۇرالمىغانلىقى ئۈچۈن، كۆپلىگەن كىشىلەر ئوتتۇرا مەكتەپنى پۈتتۈرگەندىن كىيىن بىۋاسىتە جۇڭگوغا كېلىپ ئوقۇشنى تاللىماقتا.

قازاقىستان ھۆكۈمەت تەرەپنىڭ سانلىق مەلۇماتىغا قارىغاندا، نۆۋەتتە، 50 مىڭ قازاقىستانلىق ئالى مەكتەپ ئوقۇغۇچىسى دۇنيانىڭ ھەر قايسى جايلىردا ئوقۇماقتىكەن، نۆۋەتتە جۇڭگودا قازاقىستانلىق 12 مىڭ ئوقۇغۇچى بولۇپ، بۇ سان يەنە يىلمۇ يىل كۆپىيىدىكەن.