خەلقئارا لىنىيسىنىڭ ئۇچۇرى لەگلەك تورى تەرجىمسي، يېقىندا مىسىر ۋاقىتلىق ھۆكۈمىتنىڭ پىرىزدېنتى مەنسۇر جىنسىي پاراكەندىچلىك سالغۇچىلارنى جازالايدىغان يېڭى قانۇن لايھەسىگە ئىمزا قۇيۇپ مەزكۇر قانۇننى ماقۇنلىغان.

مىسىر ھۆكۈمىتى تەرەپنىڭ ‹‹ئەلئىھرام گېزىتى››دە خەۋەر قىلنىشىچە، مەزكۇر قانۇن لايھەسى جىنسى پاراكەندىچىلىك سالغۇچىلارغا ئېنىق قانداق جازا بىرىشنى بىكىتكەن بۇلۇپ ، قانۇن لايھەسىدە ئاممىۋى سورۇنلاردا ۋە شەخسىي ئورۇنلاردا بەدەن، گەپ-سۆز،ھازىرقى زامان ئالاقىلشىش قوراللىرى ۋە باشقا ھەرقانداق ئۇسۇللاردا جىنسىي مەقسەتنى بىلدۈرگەنلەرنى بىردەك جازالاشنى بىكىتكەن. ئەگەر جىنايىتى بىكتىلىپلا قالسا مەزكۇر قانۇنغا ئاساسەن جىنسىي پاراكەندىچىلىك قىلغۇچىنى ئەڭ ئاز بولغاندىمۇ ئالتە ئايلىق قاماق جازاسىغا ھۆكۈم قىلدىكەن، ھەمدە خەلىق پۇلىغا سۇندۇرۇپ ھىسابلىغاندا 2600يۈئەندىن 4400يۈئەنگىچە جەرىمانە قۇيۇلدىكەن.  قايتا-قايتا ئوخشاش جىنايەت سادىر قىلغۇچىلارنىڭ جازا مۇددىتىنى ۋە جەرىمانە سوممىسىنى ئاشۇرۇپ جازاغا تارتىدىكەن. 

قانۇن لايھەسىدە يەنە بىكتىلشىچە، ئەگەر جىنسىي پاراكەندىچىلك سالغۇچى ئۈزلۈكسىز پاراكەندە قىلسا ھەتتا قىز جىنىسلارنىڭ كەينىگە كىرۋېلىش ئەھۋالى كۆرۈلسە ئەڭ ئاز دىگەندىمۇ بىر يىللىق قاماق جازاسى بىرىلىپ 4400يۈئەندىن 8700يۈئەنگىچە جەرىمانە قۇيۇلدىكەن. ئەگەر خىزمەت ئورنىنىڭ يۇقىرلىقنى دەستەك قىلىپ ياكى مائارىپ مۇناسىۋتى ئارقىلىق جىنسىي پاراكەندىچىلىك قىلسا  مەزكۇر جىنسىي پاراكەندىچىلىك قىلغۇچىغا ئىككى يىلدىن بەش يىلغىچە قاماق جازاسى بىرىلدىكەن ھەمدە 17000يۈئەندىن 43700يۈئەنگىچە جەرىمانە قۇيۇلدىكەن. 

2011-يىلى مۇبارەك تەخىتتىن چۈشكەندىن كىيىن مىسىردىكى جىنسىي پاراكەندىچىلىككە ئۇچىراش ئەھۋالى كۆرىنەرلىك ئاشقان . ئەنگىلىيە رادىئو-تېلىۋىزىيە شىركىتىنىڭ بىرلەشكەن دۆلەتلەر تەشكىلاتى 2013-يىلى ئېلان قىلغان بىر دوكلات مەزمۇندىن نەقىل كەلتۈرۈپ دىيشىچە ، ھەر 10 مىسىر ئاياللىرنىڭ ئىچىدە 9نەپىرى ئوخشاش بولمىغان دەرىجىدە جىنسىي پاراكەندىچىلىككە ئۇچراپ باققان بۇلۇپ ، بۇلارنىڭ ئېغىرلىق دەرىجىسى يىنىك دەرىجىدە جىنسىي پاراكەندىچىلىككە ئۇچراشتىن تارتىپ باسقۇنچىلىق قىلىشقىچە ئوخشاش ئەمەس ئىكەن. 

بۇ قانۇن لايھەسىنىڭ ئوتتۇرغا چىقشىغا قارىتا ، مىسىر دۆلەتلىك ئاياللار ھەيئىتى ئۆزىنىڭ قىزغىن قارشى ئالدىغانلىقنى بىلدۈرۈپ:‹‹بۇ قانۇن لايھەسى جىنسي پاراكەندىچىلكنى يۇقتىدىغان ناھايىتى مۇھىم بىر قەدەم››دىگەن. بۇندىن بۇرۇن مىسىردا ھېچقانداق جىنسىي پاراكەندىچىلىك قىلغۇچىلارنى جازاغا تارتىدىغان ئېنىق قانۇن يوق ئىدى.