چەتئەل تاراتقۇلىرىنىڭ خەۋىرىگە قارىغاندا، تۈنۈگۈن، ئالما شىركىتىنىڭ باش ئىجرائىيە ئەمەلدارى تىم كوك شىركەتنىڭ 3-پەسىللىك مالىيە دوكلاتى تېلېفون يىغىنىدا، ئۆتكەن توققۇز ئاي ۋاقىت ئىچىدە، ئۇلارنىڭ جەمئىي 29 شىركەتنى سېتىۋالغانلىقىنى ئاشكارىلىغان. بىراق، بۇنىڭ ئىچىدىكى بىر قىسىم شىركەتلارنى سېتىۋېلىش ئىشى كۆپچىلىككە تازا ئېنىق ئەمەسكەن. مەلۇم بولىشىچە، يېقىنىقى بەش قېتىملىق سېتىۋېلىش سودىسىدا پەقەت LuxVue Technology ۋە Spotsetter شىركىتىنىلا ئېلان قىلىپ، قالغان ئۈچ شىركەتنى تېخى ئېلان قىلمىغان، 5-ئايدا سېتىۋالغان Beats شىركىتىمۇ سېتىۋېلىش تىزىملىكىگە كىرگۈزۈلمىگەن، بۇنداق بولۇشنىڭ سەۋەبى ئالما شىركىتىنىڭ تارىخىدىكى ئەڭ قىممەت ھىساپلانغان بۇ سېتىۋېلىش سودىسى 4-پەسىللىك مالىيە دوكلاتى ئاخىرلاشقاندا ئاندىن رەسمىي تولۇق تاماملىنىدىكەن.

بۇ يىلنىڭ بېشىدا، ئالما شىركىتى سۈرەت تارتىش ئەپ دېتاللىرى شىركىتى SnappyLabs ۋە Testflight iOS beta نى ئۆلچەش-سىناش سۇپىسى شىركىتى TBurstly نى سېتىۋالدى. باشقا شىركەتلەرنى سېتىۋېلىش سودىسى ئاساسەن ئۆتكەن يىلى ئېلىپ بېرىلغان بولۇپ، بۇلار ئاساسلىقى خەرىتە مۇلازىمىتىگە مۇناسىۋەتلىك شىركەتلەردۇر. ئۆتكەن يىلى سېتىۋېلىنغان خەرىتە مۇلازىمىتى شىركەتلىرىدىن BroadMAp、EMBArk、HotStop、Locationary،WiFiSlam， قاتارلىق شىركەتلەر بار، ئۇندىن باشقا ئالما سېتىۋالغان شىركەتلەردىن يەنە 3D شىركىتى PrimeSense ، تىل ياردەمچىسى شىركىتى Novauris قاتارلىق داڭلىق شىركەتلەر بار.

ناھايىتى ئېنىقكى، ئالمىنىڭ بۇ سېتىۋېلىش ھەركەتلىرى كەلگۈسىدە ئالما شىركىتىنىڭ مەھسۇلات سۈپىتى ۋە مۇلازىمەت سۈپىتىنى ئۈزلۈكسىز يۇقىرى كۆتۈرىدۇ. مەسىلەن ، ئالما سېتىۋېلىش ھەركىتى ئارقىلىق iOS 8نىڭ خەرىتە مۇلازىمەت ئەپلىرىنىڭ دەرىجىسىنى ئۆستۈردى ۋە بىر قىسىم يېڭى ئىقتىدارلارنى قوشتى.

بۇندىن باشقا ، تىم كوكنىڭ مالىيە دوكلاتى يىغىنىدا يەنە دىيىشىچە، ئالما شىركىتى يەنە بىر قانچە شىركەتنى سېتىۋېلىش ئۈستىدە ئىزدىنىۋېتىپتۇ. ئۇنىڭ دىيىشىچە، ئالما شىركىتى ھەر قېتىملىق سېتىۋېلىش ھەركىتىنى ئېلىپ بارغاندا ئەڭ مۇھىمى سېتىۋالغاندىن كېيىنكى تەرەققىيات پۇرسىتىنى كۆزلەيدىكەن.