ئەنگىلىيە «كۈندىلىك پوچتا گېزىتى» 4-فېۋرالدىكى خەۋىرىگە ئاساسلانغاندا، ئەنگىلىيەنىڭ غەربىي يورك ۋىلايىتىدىكى خۇددېرسفيېلد ۋوگزالىدا بىر داڭلىق «چارلىغۇچى مۈشۈك» بار بولۇپ، بەش يىلدىن بېرى ئۇ ئىزچىل ھالدا ۋوگزالنى چارلاپ، چاشقانلارنى تۇتقان. يېقىندا ئۇ شەرەپ بىلەن «ئالىي دەرىجىلىك چارلىغۇچى مۈشۈك» دېگەن نامغا ئېرىشىپ، كەسىپنى قەدىرلەپ تۆھپە قوشۇش روھى مۇئەييەنلەشتۈرۈلگەن ھەمدە مۇكاپاتلانغان.

        بۇ چارلىغۇچى مۈشۈكنىڭ ئىسىمى فېلىكىس (Felix) بولۇپ، 2011-يىلىدىن بېرى بۇ ۋوگزالغا كەلگەن، ئۇ ۋاقىتتا ئۇنىڭ تۇغۇلغىنىغا ئەمدىلا توققۇز ھەپتە بولغان ئىدى. فېلىكىس ھەر كۈنى چاشقان ۋە باشقا زىيانداش ھاشارەتلەرنى تۇتۇشقا مەسئۇل بولۇپ، بەش يىلدىن بېرى ئۇ ۋەزىپىسىنى پۈتۈن كۈچى ئادا قىلىپ كەلگەن، ھەمدە ۋوگزالنى چاشقان ۋە باشقا زىيانداش ھاشارەتلەرنىڭ زىيىنىدىن يىراق قىلىپ قالماي، يەنە پويىز خادىمى ۋە يولۇچىلارغا كۈلكە ئېلىپ كېلىش ئارقىلىق، ۋوگزال چوڭ ئائىلىسىدىكى كەم بولسا بولمايدىغان ئەزانىڭ بىرىگە ئايلانغان. ۋوگزال فېلىكىسنىڭ بەش يىلدىن بۇيانقى ئىش ئىزلىرىنى مۇكاپاتلاش ئۈچۈن، ئۇنى شەرەپ بىلەن «ئالىي دەرىجىلىك چارلىغۇچى مۈشۈك» دەرىجىسىگە ئۆستۈرگەن، ھەتتا ئۇنىڭغا ئىسىم كارتىسى تاقاپ، خىزمەت فورمىسى كىيدۈرۈپ قويغان.

        2-ئاينىڭ باشلىرىدا، ۋوگزال بېلەت ئالماي پويىزغا چىقىشنىڭ ئالدىنى ئېلىش ئۈچۈن بىر توساق تام قۇرغان بولۇپ، بۇ فېلىكىسنىڭ چارلاش خىزمىتىگە قولايسىزلىقلارنى ئېلىپ كەلگەن، ھېلىمۇ ياخشى ۋوگزال خادىمى بۇ مەسىلىنى ۋاقتىدا بايقاپ، فېلىكىسنى ئۆلچەش ئارقىلىق بۇ تامدىن مەخسۇس فېلىكىس ئۈچۈن تۆشۈك تېشىپ بېرىپ، ئۇنىڭ بىمالال كىرىپ چىقىشى ئۈچۈن قولايلىق يارىتىپ بەرگەن.

فېلىكىس كىشىلەرنىڭ ياقتۇرۇشىغا ئېرىشكەن بولۇپ، ئۇنىڭ ھەتتا Facebook تورىدىمۇ ھېسابات نومۇرى بار بولۇپ،   «ئەگەشكۈچىسىنىڭ» سانى 4000 دىن ئېشىپ كەتكەن.