«يەر شارى تورى خەۋىرى» رېيتېر ئاگېنتلىقىنىڭ 13- يانۋاردىكى خەۋىرىگە قارىغاندا، رۇسىيە دۆلەتلىك ئاخبارات ئاگېنتلىقىنىڭ شۇ كۈندىكى خەۋىرىدە دېيىلىشىچە، رۇسىيەنىڭ ئانتالىيادا تۇرۇشلۇق كونسۇلخانىسى، تۈركىيە يەرلىك دائىرىلىرىنىڭ ئۈچ نەپەر رۇسىيەلىكنى «شام ئىسلام دۆلىتى» بىلەن چېتىشلىقى بار، دەپ گۇمان قىلىپ تۇتۇپ قالغانلىقىنى دەلىللىگەن.

     تۈركىيە دوغان ئاگېنتلىقىنىڭ 13 -يانۋاردىكى خەۋىرىدە دېيىلىشىچە، 12- يانۋار ئىستانبۇلدا ئۆزىنى قوشۇپ پارتلىتىش خاراكتېرلىك ھۇجۇم قىلىش ۋەقەسى يۈز بەرگەندىن كېيىن، تۈركىيە ساقچىلىرى ئۈچ نەپەر رۇسىيەلىكنى تۇتۇپ قالغان.

    12-يانۋار، تۈركىيەنىڭ ئەڭ چوڭ شەھەرى ئىستانبۇلنىڭ مەركىزى سۇلتان مەھمەت مەيدانىدا قاتتىق پارتلاش ئاۋازى ئاڭلانغان. ئۆزىنى قوشۇپ پارتلىتىش ھۇجۇمىدا 10 ئادەم قازا قىلىپ، 15 ئادەم يارىلانغان. قازا قىلغۇچىلارنىڭ توققۇزى گېرمانىيەلىك ئىكەن.