3-دېكابىر كەچ ئىسپانىيە كادىز كۇلۇبى رەقىبى خان مادرىدنىڭ ئەمدىلا ئاياقلاشقان شاھلىق لوڭقىسى مۇسابىقىسىدە، قائىدىگە خىلاپلىق قىلىپ توپچى چېرشېۋنى ئىشلىتىش ئىشىغا قارىتا رەسمىي ئەرز سۇندى.

      مۇناسىۋەتلىك بەلگىلىمە بويىچە، چېرشېۋ مادرىد ئۈچۈن بۇ مەيدان شاھلىق لوڭقىسى مۇسابىقىسىگە قاتنىشىش سالاھىيىتى ھازىرلىمىغان. ئالدىنقى پەسىلدە، چېرشېۋ ئىلگىرى مادرىد تەرىپىدىن بىلىيالىيارغا ئىجارىگە بېرىلگەن، روسىيەلىك بىلىيالىيارغا ئەگىشىپ، بارسېلونا، خېتافىي ۋە خانلىق جەمىيەت بىلەن بولغان ئۈچ مەيدان شاھلىق لوڭقىسى مۇسابىقىسىدە سېرىق كارتا يىگەن. ئىسپانىيە پۇتبولچىلار بىرلەشمىسىنىڭ بەلگىلىمىسى بويىچە، شاھلىق لوڭقىسى مۇسابىقىسىدە ئۈچ سېرىق كارتا يىگەن توپچى ئۆزلىكىدىن بىر مەيدان مۇسابىقىدىن توختايدۇ، ئەمما پەقەت شاھلىق لوڭقىسى قاتارىدىكى مۇسابىقىگىلا ماس كېلىدۇ.

     بۇ يىل يازدا، چېرشېۋ ئۆزىنىڭ ئىجارە ھاياتىنى ئاخىرلاشتۇرۇپ، مادرىدقا رەسمىي قايتىپ كەلدى، ئۇنىڭ بۇ قېتىملىق چەكلەش بۇيرۇقى مادرىدقا «پەرىشانلىق» ئېلىپ كەلدى. لىكىن كىشىنى ئەپسۇسلاندۇرىدىغىنى، مادرىد بۇ مەيدان كادىز بىلەن بولغان مۇسابىقىدىن ئىلگىرى، بۇ ئىشتىن پۈتۈنلەي خەۋەرسىز بولۇپ، چېرشېۋنى مەيدانغا ئاساسلىق ئەزا قىلىپ چىقارغان. ئارىلىقتىكى ئارام ئېلىش ۋاقتىدا، مادرىد تەرەپ بۇ خاتالىقنى ھېس قىلىپ، كوۋاچىچنى چېرشېۋنىڭ ئورنىغا ئالماشتۇرغان، ئەمما ئېنىقلا پايدىسىز بولغانلىقتىن، يەنىلا روسىيەلىكنى مەيدانغا چىقارغان، ئۇ ھەتتا مۇسابىقىدە بىر توپ كىرگۈزگەن.

       كادىز كۇلۇبى ئورگان تورىدا بايانات ئېلان قىلىپ، مادرىد كۇلۇبى ۋە مادرىد مەستانىلىرىنى ئەڭ چوڭ دەرىجىدە ھۆرمەت قىلىشنى چىقىش قىلىپ، ئۇلارنىڭ ئىسپانىيە پۇتبولچىلار بىرلەشمىسى ئەڭ ئاخىرقى قارارنى چىقىرىشتىن ئىلگىرى، بۇ ئىشقا قارىتا ھېچقانداق باھا بەرمەيدىغانلىقىنى ئىپادە بىلدۈردى.

ئىسپانىيە پۇتبولچىلار بىرلەشمىسى نىزامىنىڭ 76-ماددىسىدا، ناۋادا شاللاش باسقۇچىدا، كوماندىلار مۇسابىقىدە قائىگە خىلاپ توپچى ئىشلەتسە، ئۇنداقتا رەقىبى ئۆزلىكىدىن كېيىنكى ئايلانمىغا دەرىجە ئۆرلەيدۇ دەپ بېكىتىلگەن. نۆۋەتتىكى ئەھۋالدىن قارىغاندا، مادرىدنىڭ ئەھۋالى ئىنتايىن پايدىسىز بولۇپ، ناۋادا راستىنلا بۇ پەسىللىك شاھلىق لوڭقىسى مۇسابىقىسىدىن مۇشۇنداقلا ھەيدەپ چىقىرىلسا، ئۇنداقتا مادرىدقا نىسبەتەن ئېيىتقاندا، زەربە بېرىش ۋە كىشىنىڭ كۈلگىسىنى كەلتۈرۈش دەرىجىسى مۇتلەق مىسلىسىز بولىدۇ.