سىز بەلكىم ۋازلىننىڭ تېرە قۇرغاقلىشىپ يېرىلىشنىڭ ئالدىنى ئېلىش ۋە تېرىنىڭ نەملىكىنى ئاشۇرۇش رولى بارلىقىنى بىلىدىغانسىز. ئەمما ئۇنىڭ رولى يالغۇز مۇشۇلا ئەمەس. ئۇنداقتا بىز بىرلىكتە ۋازلىننىڭ باشقا روللىرىنىمۇ كۆرۈپ باقايلى.

1.قاپاققا سۈرۈش

كىيىم-كىچەك مودېللىرى ۋە داڭلىق كىشىلەرنىڭ قىزىل گىلەمدە ماڭغان ۋاقىتلىرىدا قىلىدىغان كۆز گىرىمىنى ئۆگەنگىڭىز بارمۇ؟ ئۇنداقتا ۋازلىننى قاپاققا سۈرسىڭىز ئوخشاش ئۈنۈمگە ئېرىشەلەيسىز.

2.چىشقا سۈرۈش

تەسلىكتە سىزغان قىزىل رەڭلىك لەۋسۇرۇخ ناۋادا ئېھتىياتسىزلىقتىن چىشقا چاپلىشىپ قالسا شۇ ھامان سالاپىتىڭىزگە تەسىر يېتىدۇ، شۇڭا چىش ئارىلىقىغا ۋازلىن سۈركىۋېلىڭ.

3.قول- پۇتلارغا سۈرۈش

يۇمشاق قول ۋە پۇتقا ئېرىشمەكچى بولسىڭىز ھۆسىن تۈزەش ئورۇنلىرىغا بارمىسىڭىزمۇ بولىدۇ. پەقەت ئۇخلاشتىن بۇرۇن قول ۋە پۇتقا ۋازلىن سۈركەپ، پەلەي ۋە پايپاق كىيىۋالسىڭىز ئەتىسى ئەتىگەندە بوۋاق بالىنىڭ قولىغا ئوخشاش يۇمران قول ۋە پۇتقا ئېرىشىسىز.

4.قاشقا سۈرۈپ بېرىش

قاشنىڭ ھەر بىر تېلى دائىم ئوخشاش بولمىغان يۆنىلىشتە ئۆسۈپ قالىدۇ. ئەگەر قاشقا ۋازلىن سۈركەپ قويسىڭىز، قېشىڭىز «گېپىڭىزنى ئاڭلايدىغان بولىدۇ».

5.كالپۇكقا سۈرۈش

ۋازلىننى كالپۇكقا سۈرۈپ كەينىدىن شېكەر سۈركەپ ئۇۋۇلاپ بەرسىڭىز، كالپۇكىڭىزدىكى ئۆلگەن تېرىلارنى چىقىرىپ تاشلايدۇ.

6.ئەتىر چېچىپ بولغان ئورۇنلارغا سۈركەش

ئەتىرىڭىزنىڭ پۇرىقىنى تېخىمۇ ئۇزۇن ۋاقىت ساقلايدۇ.

7.ئۇپا ھالەتتىكى ئەڭلىك بىلەن ئارىلاشتۇرۇش

سىز نەملىك ساقلاش مېيى سۈركىگەن ۋاقىتتىكىگە ئوخشاش ئۈنۈم ھاسىل قىلالايسىز.

8. تىرناق لاكى قۇتىسىنىڭ ئاغزىغا سۈرۈش

تىرناق لاكى قۇتىسى ئاغزىنىڭ دائىم چاپلىشىپ قېلىشىنىڭ ئالدىنى ئالىدۇ.

9.پۇتقا سۈرۈش

رەسىمنى ياسىماي تۇرۇپمۇ «داڭلىق مودېل» غا ئايلىنالايسىز. رەسىمگە چۈشۈشتىن ئىلگىرى پۇتنىڭ ئالدىغا سۈرۈپ بەرسە رەسىمدە تېخىمۇ ئورۇق كۆرسىتىدۇ.