جوڭگۇ خەۋەر تورى 8- ئاينىڭ 29 – كۈنىدىكى خەۋىرى، لەگلەك تورى تەرجىمىسى: شۇ يەر ۋاقتى 8- ئاينىڭ 29 – كۈنى مالايسىيا ئاۋىئاتسىيە شىركېتى 6000 خادىم قىسقارتىپ، شىركەتنىڭ نۆۋەتتىكى باش ئىجرائىيە ئەمەلدارىنى ئالماشتۇرىدىغانلىقىنى جاكارلىغان.

بۇ يىل 3- ئايدا مالايسىيا MH370 يولۇچىلار ئايروپىلانىنىڭ ئىز – دىرەكسىز غايىپ بولۇشى ۋە 7 – ئايدا MH17 يولۇچىلار ئايروپىلانىنىڭ ئوكرائىنانىڭ شەرقى قىسمىدا ئىتىپ چۈشۈرۈلىشى مالايسىيا ئاۋىئاتسىيەسىگە ئەجەللىك زەربە بولغان.

ئېنىقلىنىشىچە، قايتا تەشكىللەشنىڭ بىر قىسمى سۈپىتىدە، مالايسىيا ئاۋىئاتسىيەسى بىر قىسىم يىراق مۇساپىلىك لېنىيەلەرنى ئەمەلدىن قالدۇرىكەن. چۈنكى، يولۇچىلار يىراق مۇساپىلىك لېنىيەلەردە ئاساسەن باشقا ئاۋىئاتسىيە شىركەتلىرىنىڭ ئايروپىلانلىرىغا ئولتۇرۇپ، مالايسىيا ئايروپىلانلىرىنىڭ كۈندە ئادەمسىز قاتنىشىدەك ئەھۋالىنى كەلتۈرۈپ چىقارغان.

يېقىندا، مالايسىيا دۆلەت ئىگىلىكىدىكى مەبلەخچىلىك گۇرۇھى كىرزىسقا پىتىپ قالغان مالايسىيا ئاۋىئاتسىيەسىنى ئۆتكۈزىۋالغان، بۇ گۇرۇھنىڭ رەھبىرى ئازماننىڭ ئىيتىشىچە، 29 – چىسلا جاكارلانغان يۈرۈشلۈك تەدبىرلەر مالايسىيا ئاۋىئاتسىيەسىگە قايتىدىىن ھاياتى كۈچ بەخىش ئىتىدىكەن. ئۇنىڭ ئىيتىشىچە يەنە: قايتا تەشكىللەش پىلانىدا، ئەسلىدىكى خادىم سانىنى 20000 دىن 14000 غا قىسقارتىپ، "مۇۋاپىق بولغان خادىملار قوشۇنى" نى بەرپا قىلىدىكەن.

ئامرىكا "ۋال سترېت كوچىسى گىزىتى" دە خەۋەر قىلىنىشىچە، مالايسىيا ئاۋىئاتسىيە شىركېتىنىڭ ئاساسى شىركېتى 28 – چىسلا ئىككىنچى پەسىللىك ساپ زىيان سوممىسىنىڭ ئۈزلۈكسىز ئاشقانلىقىنى ئېلان قىلغان. چۈنكى MH370 يولۇچىلار ئايروپىلانىنىڭ غايىپ بولۇشى مەزكۇر شىركەتنىڭ نۇرغۇن كىرىمنى ۋەيران قىلغان.