دۇنيا خەۋەرلىرى تورى 23-ئاپرېل خەۋىرى؛ لەگلەك تورى تەرجىمىسى: تۇنىسنىڭ ئاغدۇرۇلغان پرېزىدېنتى زەينۇل ئابىدىن بىن ئەلى ، دۆلەتكە ئ‍ائىت بىر پىلاننى ئايالىنىڭ جىيەنى ئىماد ترابلۇسىغا بەرگەنلىكى سەۋەبىدىن «ۋەزىپىسىنى خاتا سۈيئىستىمال قىلغان» دىگەن جىنايەت بىلەن سوتلىنىپ 6 يىللىق قاماق جازاسىغان ھۆكۈم قىلىندى.
ئىمادنىڭ ئادۋۇكاتى ۋىسام سەئىدى، تۇنىس رەسمى خەۋەر ئاگېنتلىقىغا سۆز قىلىپ، پايتەخت تۇنىس شەھىرىدىكى سوت مەھكىمىسىنىڭ ۋەكىلى ئىماد ۋە ئاغدۇرۇلغان رەھبەر بىن ئەلىنىڭ، كايراۋان ۋىلايىتىدىكى دۆلەتكە ئائىت كانچىلىق ئورنىنىڭ تۈۋەن باھادا سېتلىشىغا ئالاقىدار قاراپ چىقىلغان داۋادا 6 يىللىق قاماق جازاسىغا ھۆكۈم قىلىنغانلىقىنى ئېيتتى.
سوت مەھكىمىسى، بىن ئەلى ۋە ئىمادنى دۆلەت مەمۇرلىقى خاتا سۈيئىستىمال قىلىپ شەخسى مەنپەئەت توپلاش بىلەن ھۆكۈمەتكە زىيان يەتكۈزگەن دىگەن جىنايەتلەر بىلەن ئەيىبلىگەن. تۇنىستان 2011-يىلى 14-يانۋاردا باشلانغان ئىنقىلابتىن كېيىن پرېزىدېنتى زەينۇل ئابىدىن بىن ئەلى سەئۇدى ئەرەبىستانغا قېچىپ كەتكەن بولۇپ، ئۇ ئۆزى ھەققىدە ئېچىلغان 140 داۋا بىلەن سوتلىنىۋاتىدۇ. ئىماد ترابلۇسى بولسا ئۆزى ھەققىدە ئېچىلغان تۈرلۈك داۋالار بىلەن 2011-يىلىدىن بېرى تۇتۇپ تۇرۇلماقتا.