كورىيە نوپۇس ساغلاملىقى جەمئىيىتى يېقىندا ئەڭ يېڭى تەكشۈرۈش دوكلاتىنى ئېلان قىلغان بولۇپ، تەخمىنەن %40 كورىيەلىك ئەر-خوتۇننىڭ كۈندە جورىسى بىلەن سىردىشىدىغان ۋاقتى 30 مىنۇتقىمۇ يەتمەيدىكەن. تەكشۈرۈشتىن قارىغاندا، توي قىلغانلار ئارىسىدا %30 كىشىنىڭ كۈندە جورىسى بىلەن سىردىشىدىغان ۋاقتى 10 مىنۇتتىن 30 مىنۇتقىچە بولىدىكەن، %12 كىشىنىڭ 10 مىنۇتقىمۇ يەتمەيدىكەن. سىردىشىدىغان ۋاقتى 30 مىنۇتتىن 1 سائەتكىچە بولغان ئەر خوتۇنلارنىڭ نىسبىتى %33 كىچە ئىكەن. ئەر-خوتۇنلارنىڭ بۇنداق ئاز ۋاقىت سىردىشىشىدىكى سەۋەب، ئۇلارنىڭ ئۆيگە كەچ قايتىشى ۋە سىمېنا قوشۇپ ئىشلىشىدىن ئىكەن. بالىلارنى بېقىش ۋە تەربىيىلەشكە كەتكەن ۋاقىتنىڭ كۆپ بولۇشى ئەر-خوتۇننىڭ سىردىشىدىغانغا ۋاقىت ئاجرىتالمىغانلىقىنىڭ يەنە بىر سەۋەبى ئىكەن.