يەر شارى تورى خەۋىرى، نۇر تورى تەرجىمىسى: فىرانسىيە ئاخبارات ئاگېنتلىقىنىڭ 3-ئاينىڭ 23-كۈنىدىكى خەۋىرىگە قارىغاندا، بېلگىيە ئايرودرومى ۋە مېترو بېكىتىدىكى تېررورلۇق ھۇجۇم قىلىش ۋەقەسى كەم دېگەندە 30 ئادەمنىڭ قازا قىلىشىنى كەلتۈرۈپ چىقارغان. ئاشقۇن تەشكىلات «شام ئىسلام دۆلىتى» بۇ تېررورلۇق ۋەقەسىنى پەيدا قىلغانلىقىنى جاكارلىغان. فىرانسىيە باش مىنىستىرى ۋالسېر 23-مارت ياۋروپا چېگراسىنى تاقاش قاش بىلەن كىرپىك ئارىلىقىدا ئىكەنلىكىنى بىلدۈرگەن. خەۋەردە فىرانسىيە باش مىنىستىرى ۋالسېرنىڭ سۆزىنى نەقىل كەلتۈرۈپ مۇنۇلار دېيىلگەن: ياۋروپا يۈكسەك ھوشيارلىقنى ساقلاپ كۆپلىگەن مۇساپىرلارنىڭ ياۋروپا چېگراسىدىن ئۆتۈشىنى چەكلىشى لازىم. دەلىل-ئىسپاتلارغا ئاساسلانغاندا IS (شام ئىسلام دۆلىتى) سۈرىيەدە نۇرغۇنلىغان پاسپورتنى ئوغرىلىغان.

ۋالسېر 22-مارت مۇنۇلارنى بىلدۈرگەن: ياۋروپا ئۇرۇش ھالىتىدە تۇرۇۋاتقان بولۇپ، ئۇرۇش ھەرىكىتىنى باشتىن كەچۈرمەكتە. ھۆكۈمەت تەرەپ تېررورچىلىق ھەرىكەتلىرىگە يۈكسەك ھوشيار بولۇپ، مۇناسىپ تەدبىرلەرنى قوللانماقچى.