جۇڭگو ئۇيغۇرچە رادىيو تورى 23-دېكابىر بېيجىڭ خەۋىرى:

مۇخبىرنىڭ شىنجاڭ ئۇيغۇر ئاپتونوم رايونلۇق پارتكوم تەشۋىقات بۆلۈمىدىن ئۇقۇشىچە، يېقىندا شىنجاڭدىكى بەزى كىشىلەر ئۈندىدار، qq، ئۇچۇر قاتارلىقلار ئارقىلىق «يەكەن ناھىيەسىدە تېررورلۇق ۋەقەسى يۈز بەردى» پىتنە ئىغۋا ئۇچۇرى تارقاتقان. جامائەت خەۋىپسىزلىكى ئورگانلىرى تەكشۈرۈش ئارقىلىق 20-دېكابىر پىتنە ئىغۋا تارقاتقان قەشقەر ۋىلايىتىدىكى سۈن فامىلىلىك، قۇمۇل ۋىلايىتىدىكى جياۋ فامىلىلىك ئىككى كىشىنى قولغا ئالغان. بۇ ئىككى كىشى پىتنە ئىغۋا تارقىتىش قىلمىشىنى ئەينەن ئىقرار قىلدى.

«جۇڭخۇا خەلق جۇمھۇرىيىتى ئامانلىق ساقلاشنى باشقۇرۇش جازا چارىسى»دىكى ئالاقىدار بەلگىلىمىلەرگە ئاساسەن، شۇ جايدىكى جامائەت خەۋپسىزلىكى ئورگانلىرى قانۇنغا بويىچە ئۇلارغا ئامانلىق ساقلاش جازاسى بەردى. جامائەت خەۋپسىزلىكى ئورگانلىرى: پىتنە ئىغۋا تارقاتقۇچىلارنىڭ قانۇنىي مەسئۇلىيىتى سۈرۈشتۈرۈلىدۇ، دەپ ئاگاھلاندۇردى.