رۇسىيە فېدېراتسىيە ئىستاتىستىكا ئىدارىسىنىڭ 12-يانۋار ئېلان قىلغان سانلىق مەلۇماتىدىن ئايان بولۇشىچە، 2014-يىلى رۇسىيەدە پۇل پاخاللىشىش نىسبىتى 11.4 پىرسەنت بولۇپ، 2008-يىلدىكى پۇل پاخاللىقى نىسبىتى 13.3 پىرسەنت بولغاندىن كېيىنكى ئەڭ يۇقىرى سەۋىيەگە يەتكەن.

ئىستاتىستىكا سانلىق مەلۇماتىدىن مۇنۇلار ئايان بولدى، 2014-يىلى دېكابىر رۇسىيەدە مال باھا سەۋىيەسى 2.8 پىرسەنت ئۆسكەن، بۇنىڭ ئىچىدە يېمەكلىك 3.3 پىرسەنت، يېمەكلىكدىن باشقا نەرسىلەر 2.3 پىرسەنت، مۇلازىمەت ھەققى 2.2 پىرسەنت ئۆسكەن.

بۇندىن بۇرۇن رۇسىيەنىڭ ئىقتىسادى تەرەققىيات مىنىستىرى: غەربنىڭ جازاسى، خەلقئارادا ماي باھاسىنىڭ چۈشۈشى ئېلىپ كەلگەن ئىقتىسادى بېسىم رۇسىيەدە پۇل پاخاللىقىنى ئۆرلىتىۋەتتى، 2015-يىلىدا رۇسىيەنىڭ پۇل پاخاللىقى نىسبىتى 10 پىرسەنتتىن يۇقىرى بولۇشى مۇمكىن دېگەن ئىدى.