2- ئاينىڭ 3- كۈنى نيۇيورك تاۋار بېرژىسىدا %99.5 لىك ھەر ئۇنسىيە نەق ئالتۇننىڭ باھاسى 1126 دوللار بولغان ئىدى، ھالبۇكى بۈگۈن ھەر ئۇنسىيە نەق ئالتۇننىڭ باھاسى بىراقلا 17 دوللار ئۆسۈپ، ھەر ئۇنسىيەسىنىڭ باھاسى 1143 دوللارغا چىقتى. ئەمما كېيىن بازاردا يەنە داۋالغۇش كۆرۈلۈپ نەق ئالتۇننىڭ باھاسى 3 دوللارغا يېقىن چۈشتى. بېيجىڭ ۋاقتى چۈشتىن كېيىن 1 دىن 30 مىنۇت ئۆتكەندە بولسا ھەر ئۇنسىيە نەق ئالتۇننىڭ باھاسى 1140.81 دوللارغا چۈشۈپ قالدى. ھەر ئۇنسىيە نەق كۆمۈشنىڭ باھاسى 14.65 دوللارغا چۈشۈپ، ئەتىگەندىن بىرى 0.032 دوللار چۈشتى؛ خەلق پۇلى بۇيىچە ھېسابلىنىدىغان قۇيما ئالتۇننىڭ باھاسى 241.45 يۈەنگە چىقىپ، ھەر گرامىنىڭ باھاسى 0.55 يۈەن ئۆستى؛ شاڭخەي T+D ئالتۇنىنىڭ باھاسى 241.50 يۈەنگە چىقىپ، ئەتىگەندىن بىرى ھەر گرامىنىڭ باھاسى 2.5 يۈەن ئۆستى؛ ساپ ئالتۇن دەپ قارىلىدىغان %99.99 لىك نەق ئالتۇننىڭ باھاسى 290 يۈەنگە چىقىپ، ئەتىگەندىن بىرى 1 يۈەن ئۆستى؛ خەلق پۇلى بۇيىچە ھېسابلىنىدىغان ئالتۇن قەرەللىك مېلىنىڭ باھاسى 243.75 يۈەنگە چىقىپ، ئەتىگەندىن بىرى 2.601 يۈەن ئۆستى.