[‹‹ھىندى دىنى مۇرىتلىرى گېزىتى›› تور بېكىتىنىڭ 9-فېۋرال خەۋىرى] رۇسىيە زۇڭتۇڭى پۇتىن: ئىران ئۇران قويۇلدۇرۇشقا ھوقۇقلۇق. ھەر قايسى تەرەپلەر بۇ ۋەزىيەتتىن ئۆز ئالدىغا پايدا ئېلىشقا ئۇرۇنماسلىقى كېرەك، دېدى.

ئىران ئىسلام جۇمھۈرىيىتى ئاخبارات ئاگېنتلىقىنىڭ خەۋىرىگە قارىغاندا، پۇتىن 8-فېۋرال مىسىردىكى بىر گېزىت مۇخبىرنىڭ زىيارىتىنى قوبۇل قىلغاندا: شۇنداق دېيەلەيمەنكى، رۇسىيە ئىران يادرو پىلانىغا مۇناسىۋەتلىك مەسىلىلەرنى ھەل قىلىش ئۈچۈن تۆھپە قوشتى، دېدى.

ئۇ يەنە: ‹‹ئىراننىڭ ئۇران قويۇلدۇرۇشىنى ئۆز ئىچىگە ئالغان تىنچ يادرو پائالىيەتلىرى بىلەن شۇغۇللىنىش ھوقۇقى بار. لېكىن بۇ ‹‹خەلقئارا ئاتوم ئېنېرگىيەسى ئورگىنىنىڭ كونتروللۇقىدا ئېلىپ بېرىلىشى كېرەك››، دېگەن قاراشتىمىز، دېدى.

ئۇ: ‹‹P5+1›› (يەنى ب د ت خەۋىپسىزلىك كېڭىشىگە دائىمىي ئەزا بەش دۆلەت ۋە گېرمانىيە)نىڭ بۇ قارىشىمىزغا قوشۇلۇشى ئاسان ئەمەس، دېدى.