جاھان ئاگېنتلىقى 27-ماي خەۋىرى؛ لەگلەك تورى تەرجىمىسى: ئامېرىكىنىڭ تېكساس شىتاتىدا قاتتىق يامغۇر يېغىپ سەل ئاپىتىدە ئاز دىگەندە 9 كىشى ھاياتىدىن ئايرىلغان، 30 كىشى يۇقاپ كەتكەن. تېكساس شىتاتىدا تۈنۈگۈنكى قاتتىق يامغۇر يېغىش ھادىسىسدە يالغۇر سۈيى يىغىلىپ نۇرغۇن ماشىنىلار سۇ ئاستىدا قالدى. رايۇندىكى مىڭغا يېقىن ئۆي زىيانغا ئۇچرىدى. ئالاقىدار خادىملار مەزكۇر رايۇندا 9 كىشىنىڭ ئۆلگەنلىكى، 30 كىشىنىڭ يۇقاپ كەتكەنلىكىنى بىلدۈردى. تېكساستىكى بلانكو دەرياسىدا سۇ مىقدارى 30 مىنۇتتا 3 مېتىردىن 12 مېتىرغا قەدەر كۆتۈرۈلگەن، دەريا قىرغىقىدىكى يۈزلىگەن ماشىنا سۇ ئاستىدا قالغان. تېكساستىكى مىڭغا يېقىن ئۆي زىيانغا ئۇچرىغان ۋە توك توختاپ قالغان.
تېكساس شىتاتى باشلىقى گرىگ ئابوت قاتتىق يامغۇر يېغىش ۋە سەل ئاپىتىدە زىيانغا ئۇچرىغان رايۇنلارنى زىيارەت قىلىپ، بۇ ھادىسىلەرنىڭ ئېغىر دەرىجىدە ئىكەنلىكىنى تەكىتلەپ، 37 رايۇندا جىددى ھالەت ئېلان قىلدى. ھوستۇن شەھەر باشلىقى ئانىسە پاركىرمۇ جىددى ھالەت ئېلان قىلىنىشقا چاقىرىق قىلدى.
ئامېرىكا پرېزىدېنتى باراك ئوباما سەل ئاپىتى سەۋەبلىك تېكساس شىتات باشلىقى ئابوتقا تەزىيە خېتى ئەۋەتتى ۋە شىتاتقا فېدراتىسيە ياردىمى يەتكۈزىدىغانلىقىنى بىلدۈردى. مىللى مىترولوگىيە ئىدارىسى تېكساستىكى قاتتىق يامغۇر يېغىشنىڭ داۋاملىشىشىدىغانلىقى ۋە باشقا بىر رايۇنلارغىمۇ تەسر يەتكۈزىدىغانلىقىنى ئېلان قىلدى.