ھازىر بالىلاردا كۆرۈش قۇۋۋىتى ئاجىزلاپ، كۆزەينەك تاقايدىغانلار كۆپىيىپ كەتتى. ئەمىسە يىراقنى كۆرەلمەسلىك كېسىلىنىڭ ئالدىنى ئالىدىغان چارە يوقمۇ؟ مۇتەخەسسىسلەر بۇ ھەقتە توختىلىپ مۇنداق دېيىشتى: «يىراقنى كۆرەلمەسلىكنى پەيدا قىلىدىغان سەۋەبلەر ئارىسىدا ئىرسىيەتتىن باشقا يەنە كۆز فوكۇس ئارىلىقىنىڭ ئۆزگىرىش ئامىلىمۇ بار. كىشىلەر يېقىن ئارىلىققا تىكىلىپ قارىغاندا، كىرپىكسىمان مۇسكۇل قىسقىرايدۇ، يىراققا قارىغاندا بوشايدۇ.»

    مۇتەخەسسىسلەر يەنە مۇنداق دېيىشتى: «ھازىر قوللىنىلىۋاتقان كۆز ئاسراش گىمناستىكىسى يىراقنى كۆرەلمەسلىكنىڭ ئالدىن ئالىدۇ، يەنە جۇڭيىچە ئۇۋۇلاش، يىڭنە سانجىش قاتارلىق ئۇسۇللارنىڭمۇ كىرپىكسىمان مۇسكۇلنى بوشاشتۇرۇش ئۈنۈمى يۇقىرى. ئەگەر تەكشۈرۈشتە فوكۇس ئارىلىقىدا ئۆزگىرىش بولغانلىقى ئېنىقلانسا، كۆزەينەك تاقاپ ئەسلىگە كەلتۈرۈش ئۇسۇلىنى قوللىنىشنىڭمۇ زىيىنى يوق.»