شەندۇڭ تېلېۋىزىيە ئىستانسىسى 4-فېۋرال مايمۇن يىللىق چاغانلىق كېچىلىكتىكى تۇنجى پاي ئوقنى ئاتتى. ليۇ شياۋلىڭتۇڭ سەھنىگە چىقىپ «ئەۋلىيا ئەزەمنىڭ قايتىپ كېلىشى» دېگەن نومۇرنى ئورۇنداپ، 1986-يىلى سۈرەتكە ئېلىنغان «غەربكە ساياھەت» فىلىمىدىكى ئامىتتا ۋە ئاۋالۇكسۇۋارا بۇدساتىۋامۇ سەھنىگە چىقىپ ئەينى ۋاقىتتىكى كىنونى سۈرەتكە ئېلىش جەريانىنى ئەسلەپ ئۆتتى.

     57 ياشلىق ليۇ شياۋلىڭتۇڭ قىزىل رەڭلىك كىيىم كىيىپ ئەينى چاغدىكى ۋاقتىدىن پەرقلەنمىگۈدەك چەبدەسلىك بىلەن نومۇر ئورۇنداپ، تاماشىبىنلارنى ھەيران قالدۇردى. گەرچە 1986-يىلى ئامىتتا ۋە ئاۋالۇكسۇۋارا بۇدساتىۋانىڭ رولىنى ئالغان ئارتېس جۇ لۇڭگۇاڭ ۋە زو دابىن ئىككەيلەننىڭ چاچلىرى ئاقارغان بولسىمۇ، يەنىلا ئەينى چاغدىكى شۇ مېھرىبان سىماسى چاقناپ تۇراتتى. ليۇ شياۋلىڭتۇڭ ئۈچەيلەن بىرگە كېلىپ قۇچاقلىشىپ كۆرۈشۈپ، يانفونلىرىدا سۈرەتكە چۈشۈشتى.