ئەنگىلىيە «كۈندىلىك پوچتا گېزىتى» نىڭ 3-فېۋرالدىكى خەۋىرىگە ئاساسلانغاندا، يېقىندا، ئەنگىلىيەلىك بىر جۈپ ئاشىق-مەشۇق بالىلار ئۈچۈن ھەقىقىي شاھزادە بىلەن مەلىكە رولىنى ئېلىپ، تويغا كېرەكلىك 5000 فوندستېرلىڭ (تەخمىنەن 48 مىڭ يۈەن) توپلىغان.

ئۈچ يىل ئىلگىرى، لۇئىسا.لانزا (Louisa Lanza) بىلەن پېتېر.سەكېت (Peter Sackett) ۋوگزال سەھنىسىدە تونۇشقان بولۇپ، بىر كۆرۈپلا بىر-بىرىگە كۆيۈپ قالغان، شۇنىڭ بىلەن ئۇلارنىڭ بالىلار چۆچەكلىرىدىكىدەك مۇھەببەت ھېكايىسى باشلانغان. مۇھەببەتلىشىپ ئىككى يىلدىن كېيىن، ئۇلارغا تونۇشقان جايدا چاي ئىچۈرۈلۈپ، يېتەرلىك پۇل بولمىغانلىقتىن توي مۇراسىمى ئۆتكۈزۈلمىگەن. شۇنىڭ بىلەن، ئۇلار دىسنېي شاھزادىسى بىلەن مەلىكىسىنىڭ رولىنى ئېلىش ئارقىلىق پۇل توپلاپ، ھەمدە 2017-يىلى ئوڭۇشلۇق ھالدا توي قىلىشنى ئۈمىد قىلغان.

لۇئىسانىڭ دېيىشىچە، بەزىلەر ئۇلارنىڭ بۇنداق قىلىشىنى بەكلا غەلىتىلىك دېگەن، بىراق ئۇلارنىڭ قارىشىچە بۇ بىر قېتىملىق ناھايىتى قىزىقارلىق كەچۈرمىش بولۇپ، كۆپ پايدىغا ئېرىشكەن. ئۇلار ئويۇن قويغاندا، بالىلار شۇنداق خۇشال بولۇپ، ئۇلار ئەزەلدىن بالىلىرىنى بۇنداق خۇشال بولغان ھالىتىنى كۆرۈپ باقمىغان. ئۇلارنىڭ بالىلىرى ئاتا-ئانىسىنى كۆرۈپ ناھايىتى ھەيران قالغان، چۈنكى ئۇلار ئۆزلىرى ئەڭ ياقتۇرىدىغان شاھزادە بىلەن مەلىكىنىڭ ئۆزلىرىنىڭ كۆز ئالدىدا نامايەن بولىدىغانلىقىنى ئويلاپمۇ باقمىغان. بالىلار ئۇچۈن ئېيتقاندا، بۇ ئىككىيلەن ھەقىقىي مەۋجۇت بولۇپ تۇرىدىغان شەخىس بولۇپ، ئۇلار ئاشۇ ۋاقىتتىن ناھايىتى بەھىرلەنگۈسى كەلگەن. ھەر قانداق بىر قىزچاق چوڭ بولغاندا مەلىكە بولۇشنى ئويلايدۇ، مەنمۇ شۇنداق، پۇلنى توپلاپ بولغاندىن كېيىن، لۇئىسا ئۆزىنىڭ ئارزۇسىنى ئەمەلگە ئاشۇرالىغان.

تولۇق ۋەزىپىلىك «شاھزادە» بىلەن «مەلىكە» بولۇش سۈپىتى بىلەن، لۇئىسا بىلەن پېتېر بۇ جەرياندىن يەتكۈچە بەھىرلەنگەن. لۇئىسانىڭ دېيىشىچە، ئۇلار پۇل توپلىماستا، دائىم دېگۈدەك خەير-ساخاۋەت ئويۇنى قويغان. ئۇلار بالىلارغا ياردەم بېرىش جەريانىدا، ئاشۇ گۈزەل چاغلاردىن بەھرىمان بولۇپ، بۇ ئۇلار ئۈچۈن بىر ناھايىتى بەخىتلىك ئىش بولۇپ قالغان.