19-يانۋار، گۇيجۇ ئۆلكىسى سوڭجياڭ ناھىيىسى گاۋزىڭ يېزىسى بابا كەنتىدىكىلەر بىرگە مياۋزۇ مىللىتى ئائىلىسىگە ئۆي سېلىشىپ بەردى. كەنتتىكىلەر بىرگە شوئار توۋلاپ، بىر تەرەپتىن ئۆي سېلىپ جانلىق كۆرۈنۈشنى ھاسىل قىلدى، كۆپلىگەن كەن ئاھالىلىرى قۇرۇلغان تۈۋرۈكلەرگە «ئۆمۈچۈك پالۋان» دەك يامىشىپ چىقتى.

        گۇيجۇ ئۆلكىسى سوڭجياڭ ناھىيىسى تروپىك مۇسسون كىلىماتىغا تەۋە بولۇپ، بىر يىلنىڭ ئىچىدە 300 كۈندە ھۆل-يېغىن بولغاچقا ئالاھىدە نەم بولۇپ، بۇ يەردىكى كىشىلەر ئاسانلا رېماتىزم بولۇپ قالىدۇ، كىشىلەر بۇ خىل كىلىماتقا لازا يېيىش، ياغاچ ئۆيلەردە تۇرۇش ئارقىلىق تاقابىل تۇرىدۇ. سوڭجياڭ ناھىيىسى ئاساسلىقى ئاز سانلىق مىللەتلەر توپلاشقان جاي بولۇپ، بۇ يەردە تۇرۇشلۇق مياۋ، تۇڭ، ياۋ، جۇاڭزۇ مىللەتلىرىنىڭ قەدىمدىن تارتىپ ياغاچ ئۆيدە تۇرۇش ئەنئەنىسى بار.

بۇ يەردىكى ئۆرپ-ئادەت بويىچە بىر ئائىلە ئۆي سالماقچى بولسا كەنتتىكى ھەممەيلەن بىرگە ياردەملىشىدىغان بولۇپ، ئۆي ئىگىسى پەقەت تاماق بىلەن تەمىنلىسىلا بولىدۇ، ئىش ھەققى بېرىلمەيدۇ، شۇ سەۋەبلىك كەنتتىكىلەر ئەۋلادمۇ ئەۋلاد ئىجىل-ئىناق ئۆتۈپ كەلگەن. پەقەت بىر ئائىلىنىڭ ئۆي سالماقچى بولغانلىقىدىن خەۋەر تاپقان ھامان قۇلاقتىن قۇلاققا يېتىپ ھەممەيلەن يىراقنى يىراق دېمەي كېلىپ ياردەملىشىدۇ.

كەنتتىكى ياشانغان ياغاچچىنىڭ دېيىشىچە بىر ئېغىز ئۆيگە ئادەتتە 20-15 تالغىچە تۈۋرۈك كېتىدىغان بولۇپ، بىر يۈرۈش ئۆينى سېلىش ئۈچۈن 100 تال دىئامېتىرى 14 سانتىمېتىر، ئۇزۇنلۇقى 9 مېتىر كېلىدىغان دەرەخ بولمىسا بولمايدىكەن.

بۇ كەنتتىكىلەرنىڭ يەنە ئاققاش قۇچقاچ باقىدىغان ئادىتى بار بولۇپ، ئادەتتە ئۆيىدە بېقىپ ئۇنىڭ سايرىغان ئاۋازىنى ئاڭلاشقا ئامراقكەن. كەنتتىكىلەر باشقىلارغا ياردەملەشكىلى كەلگەندىمۇ ئۆزى ياقتۇرىدىغان ئاققاش قۇچقاچلىرىنى ئېلىۋالىدىكەن.