جۇڭگو خەۋەر تورىنىڭ 11-يانۋاردىكى خەۋىرى
شۇ جاي ۋاقتى 2015-يىلى 1-ئاينىڭ 10-كۈنى ھېندىنوزىيە قۇتقۇزۇش ئەترىتى ئوڭۇشلۇق ھالدا دېڭىزغا چۈشۈپ كەتكەن ئايروپىلاننىڭ قۇيرۇق قىسمىنىڭ پارچىسىنى سۈزۈپ چىقاردى.
ئاسىيا ئاۋىئاتسىيەسىنىڭ ھېندىنوزىيەدىن مالايسىيەگە ئۇچقان QZ8501 تىپلىق يولۇچىلار ئايروپىلانى 2014-يىلى 12-ئاينىڭ 28-كۈنى دېڭىزغا چۈشۈپ كەتكەن بولۇپ ئايروپىلاندا 162 ئادەم بار ئىدى . ھازىرغىچە 48 ئادەمنىڭ جەسىتى سۈزۈپ چىقىلغان.
ھېندىنوزىيە دۆلەتلىك ئىزدەش-قۇتقۇزۇش ئەترىتىنىڭ مەسئۇلى سۇپلىيادى ئەپەندى مۇنداق دېدى:سۇنار تەكشۈرۈش ئۈسكۈنىسى دېڭىز ئاستىدا ئۇزۇنلۇقى 4 مېتىر كەڭلىكى 2.5 مېتىر كېىدىغان چوڭ جىسىمدىن بىرنى بايقىدى.ئۇنىڭ چۈشۈپ كەتكەن ئايروپىلاننىڭ پارچىسى ئىكەنلىكىگە ئىشىنىمىز.ھازىرچە قاراقۇتا تېخى تېپىلمىدى، لېكىن قاراقۇتا ئايروپىلان پارچىسى تېپىلغان جاينىڭ يېنىدىلا بولۇشى مۇمكىن.
ئۈچ دانە ھېندىنوزىيە قۇتقۇزۇش پاراخوتى ئايروپىلان پارچىسى تېپىلغان جاينىڭ شەرق تەرىپىدىكى 1 كىلومېتىر جايدا قاراقۇتىنىڭ سېگنالىنى تاپشۇرۇۋالغان. ھازىر ماتروسلار شۇ دېڭىز تەۋەلىكىگە يېتىپ باردى ھەمدە قاراقۇتىنىڭ كونكېرت ئورنىنى بېكىتمەكتە.