جاھان ئاگېنتلىقى 23-فېۋرال خەۋىرى؛ لەگلەك تورى تەرجىمىسى: مىسىردا 412 كۈن تۈرمىدە قامالغاندىن كېيىن سوتلىنىش ئۈچۈن قۇيۇپ بېرىلگەن باھېر مۇھەممەد ۋە مۇھەممەد فەھمىنىڭ سوت داۋاسى 8-مارتقا كېچىكتۈرۈلدى. باھېر مۇھەممەد ۋە مۇھەممەد فەھمىنىڭ قولغا ئېلىنماستىن سوتلىنىش دىلوسى بۈگۈن باشلىنىپ، سوت گۇۋاھچىلارنىڭ سوت مەھكىمىسىگە قاتناشماسلىقى سەۋەبى بىلەن 8-مارتقا كېچىكتۈرۈلدى. باھېر مۇھەممەد ۋە مۇھەممەد فەھمى ، تۈرمىدىكى يەنە بىر مۇخبىر Peter Greste نىڭ قۇيۇپ بېرىلىشى ۋە چېگرىدىن چىقىرىلىشىدىن كېيىن ئۇزۇن ئۆتمەي قويۇپ بېرىلگەن ئىدى.مۇخبىرلار قويۇپ بېرىلگەندىن كېيىن ئائىلىسى بىلەن جەم بولدى.

بۇ قارارغا ئالاقىدار ئەلجەزىرە ئاگنېتلىقىدىن ئېلان قىلىنغان باياناتتا،«كاپالەت بىلەن ئەركىن قويۇپ بېرىش قارارى توغرا يولدا ئېلىنغان كىچىك بىر قەدەمدۇر. بۇ قەدەم باھېر مۇھەممەد ۋە مۇھەممەد فەھمىگە 411 كۈن ئايرىلغان ئائىلىسى بىلەن كۆرۈشۈش پۇرسىتى يارىتىدۇ. ئەمما مەقسەت سوت مەھكىمىسىنىڭ توغرا قارار چىقىرىپ بۇ كۈلكىلىك داۋانى تامامەن توختىتىشىدۇر» دەپ ئىپادە بىلدۈرۈلگەن. مىسىر سوت مەھكىمىسى قولغا ئېلىنغان ئەلجەزىرە مۇخبىرلىرىنىڭ يېڭىدىن سوتلىنىش قارارىنىڭ سەۋەبى «ئىسپات يىتەرسىزلىكى» ئىكەنلىكىنى ئېيتقان ئىدى.

يەنە بىر ۋاقىتتا كانادا پۇقراسى بولغان مۇھەممەد فەھمى ئىككى ھەپتە بۇرۇن مىسىر پۇقرالىقىدىن ئايرىلغان ئىدى. ئەلجەزىرە مۇخبىرلىرى Peter Greste ۋە مۇھەممەد فەھمى «يالغان خەۋەر تارقىتىش» ۋە ھەربىي ئىنقىلاب ھۆكۈمىتى تەرىپىدىن «تېرور تەشكىلاتى» دەپ ئېلان قىلىنغان «مۇسۇلمان قېرىنداشلار تەشكىلاتى» غا ياردەم قىلىش جىنايىتى بىلەن 7 يىللىق تۈرمىگە قامالغان ئىدى. باھېر مۇھەممەد ئوخشاش جازا بىلەن بىرگە «قورال ساقلاش» جىنايىتى بىلەن 3 يىل جازا بېرىلىپ جەمئىي 10 يىللىق تۈرمىگە مەھكۇم قىلىنغان ئىدى.