دۇنيا سەھىيە تەشكىلاتى 1-ئۆكتەبىر بايانات ئېلان قىلىپ مۇنداق دېدى: غەربىي ئافرىقىدىكى ئېبۇلا يۇقۇمىنىڭ تەسىرىگە ئۇچرىغان دۆلەتلەرنى تېزدىن ۋاكىسنا بىلەن تەمىنلەشكە تەسىر يەتكۈزمەسلىك ئۈچۈن، ھەر قايسى تەرەپلەر تېزدىن ئېبۇلا ۋاكىسىنى تەجرىبە قىلىش باھالاشنى تېزلىتىشى كېرەك.

دۇنيا سەھىيە تەشكىلاتى يېقىندا ئۆتكۈزگەن مۇتەخەسسسلەر مەسلىھەت بېرىش يىغىنىدا مۇنۇلار بېكىتىلدى: گىلاكسوسىمىت كىلايىن شىركىتى ئامېرىكا دۆلەتلىك زىيادە سىزىمچانلىق ۋە يۇقۇملۇق كېسەللەر تەتقىقات ئورنى بىلەن بىرلىشىپ تەتقىق قىلغان ۋاكسىنا شۇنداقلا كانادا ئاممىۋى سەھىيە ئىدارىسى تەتقىق قىلغان، ئامېرىكا نىيۇلىن گېن شىركىتىنىڭ سودا ئىجازىتىگە ئېرىشكەن ۋاكىسنا ھازىر ئىستىقباللىق ئىككى خىل ئېبۇلا ۋاكسىنىسى.

دۇنيا سەھىيە تەشكىلاتى مۇنداق دېدى: ئىككى خىل ۋاكسىنىغا قارىتىلغان 1-باسقۇچلۇق كىلىنكىلىق تەجرىبە پات ئارىدا ئافرىقىدا، ياۋروپا شۇنداقلا شىمالى ئامېرىكىدىكى 10 يەردە ئېلىپ بېرىلىدۇ. 1-باسقۇچلۇق بىخەتەرلىك سانلىق مەلۇماتلىرى قاتارلىق ھەل قىلغۇچ پايدىلانمىلارنى توپلاش ئۈچۈن، دۇنيا ساھىيە تەشكىلاتى ھەمكارلىق شېرىكلىرى بىلەن بىرگە بۇ ئىككى خىل ۋاكسىنىنى باھالاشنى تېزلەتمەكتە. دۇنيا سەھىيە تەشكىلاتى مۇنداق دېدى: نۆۋەتتىكى تۇنجى نىشان-ئېبۇلا ۋاكىسىنىنىڭ بىخەتەرلىكى ۋە ئۈنۈمىنى تېزدىن باھالاش. ئىككىنچى نىشان يىتەرلىك سانلىق مەلۇماتقا ئېرىشكەن ۋاكىسىنىنىڭ ئالدىنقى سەپتىكى داۋالاش خادىملىرىنى قوغداش ۋە يۇقۇم ئەھۋالىنىڭ كەلگۈسى تەرەققىياتىدا بۇرۇلۇش ياسىشىغا تېزدىن كاپالەتلىك قىلىش.

دۇنيا سەھىيە تەشكىلاتى 1-ئۆكتەبىر ئېلان قىلغان ئەڭ يېڭى يۇقۇم سانلىق مەلۇماتىدىن ئايان بولۇشىچە، 28-سېنتەبىرگىچە يۇقۇم ئەھۋالى ئېغىر گىۋىنىيە، لىبىرىيە، سېررالىيۇندا ئېبۇلا ۋىرۇسى بىلەن يۇقۇملانغان دەپ دىياگىنوز قويۇلغان، گۇمان قىلىنغان ۋە يۇقۇملىنىپ قىلىشى مۇمكىن دەپ قارالغان كشى 7157 بولۇپ، 3330ى قازا قىلغان، يۇقىرىدىكى دۆلەتلەردە ئۆتكەن ئۈچ ھەپتىدە 2800يۇقۇملانغۇچى يېڭىدىن كۆپەيگەن. بۇنىڭدىن باشقا نېگېرىيەدە دىياگىنوز قويۇلغان، گۇمان قىلىنغان، يۇقۇملىنىپ قىلىشى مۇمكىن دەپ قارالغان كىشى 20 بولۇپ، 8 ى قازا قىلغان، سېنېگالدا بىر كىشىگە يۇقۇملانغان دەپ دىياگىنوز قويولغان.