ئىران دىپلوماتىيە مىنىستىرلىكىنىڭ باياناتچىسى شۇ جاي ۋاقتى 7- يانۋار سەئۇدى ئەرەبىستان ئۇرۇش ئايروپىلانلىرىنىڭ يەمەن پايتەختى سانادا تۇرۇشلۇق ئىران ئەلچىخانىسىغا ھۇجۇم قىلغانلىقى ئەيىبلەپ: سەئۇدى ئەرەبىستان ئەلچىخانا بىناسىنىڭ بۇزغۇنچىلىققا ئۇچرىشى ۋە بىر قىسىم ئەلچىخانا خىزمەتچىلىرىنىڭ يارىلىنىشىغا مەسئۇل بولۇشى كېرەك، دېگە. ئەمما سەئۇدى ئەرەبىستان باشچىلىقىدىكى تېررورلۇققا قارشى تۇرۇش ئىتتىپاقىنىڭ باياناتچىسى بۇ ئىش توغرىسىدا ئىپادە بىلدۈرۈپ: ئۇرۇش ئايروپىلانلىرىمىزنىڭ سانادا ئېلىپ بارغان ھاۋا ھۇجۇمى ھۇسسى قوراللىقلىرىغا قارىتىلغان، بىز بۇ ئىش توغرىسىدا تەكشۈرۈش ئېلىپ بېرىشنى قانات يايدۇردۇق، دېگەن.

    ئىران ئاخبارات ئاگېنتلىقىنىڭ 7- يانۋاردىكى خەۋىرىدە ئېيتىلىشىچە، سەئۇدى ئەرەبسىتاننىڭ ھاۋا ھۇجۇمى ئىران ئەلچىخانىسىدىكى بىر قىسىم بىخەتەرلىك خادىملىرىنىڭ يارىلىنشىنى كەلتۈرۈپ چىقارغان، ئەلچىخانا بىناسىنى زىيانغا ئۇچراتقان. ئەنسارى سەئۇدى ئەرەبسىتاننى ئەيىبلەپ: ئۇلار قەستەن مۇشۇنداق قىلدى، ئۇلار دىپلوماتىيە ئۆمىكىدىكىلەرنىڭ بىخەتەرلىكىنى قوغداشتىن ئىبارەت خەلقئارا نىزامغا بۇزغۇنچىلىق قىلدى، سەئۇدى ئەرەبسىتان ھۆكۈمىتى چوقۇم بۇ ئىشقا مەسئۇل بولۇشى، ھەمدە بارلىق خادىم ۋە مال-مۈلۈك زىيىنىنى تۆلەپ بېرىشى كېرەك.