ئىران يادور كېلىشىمىنىڭ رەسمىي ئىجرا قىلىنىش باسقۇچىغا كىرىشى ۋە ياۋروپا ۋە ئامېرىكا قاتارلىق دۆلەتلەرنىڭ ئىرانغا قاراتقان جازالاش تەدبىرىنى بېكا قىلىشغا ئەگىشىپ، ئىراننىڭ كۆپلىگەن دۆلەتلەر بىلەن بولغان سودا ھەمكارلىقى ئۈزلۈكسىز ياخشىلاندى. ئىران تېلېۋىزىيە ئىستانسىسنىڭ 2- ئاينىڭ 4- كۈنىدىكى خەۋىرىگە قارىغاندا، ئىران تەرەپ 4- فىۋرال ئىراننىڭ رۇسىيە بىلەن 400 مىليارد دوللارلىق توختام تۈزگەنلىكىنى، مەزكۇر توختامنىڭ كۆپلىگەن سانائەت ئۇل-ئەسلىھە تۈرىگە چېتىلىدىغانلىقىنى بىلدۈرگەن.

     خەۋەرلەرگە قارىغاندا، ئىراننىڭ ئەڭ ئەلىي دەرىجىلىك رەھبىرى ھامىنەيىنىڭ ئالىي دەرىجىلىك مەسلىھەتچىسى ئەل.ئەكبەر.ۋىلايەت موسكۋادىكى زىيارىتىنى ئاخىرلاشتۇرغاندىن كېيىن، يۇقىرىدىكى ئۇچۇرنى ئېلان قىلغان. ئۇ يەنە ئۆتكەنكى ئىككى ئاي ئىچىدە ئىران-رۇسىيە ئىككى تەرەپنىڭ سۆزلىشىش ئارقىلىق ئىمزالىغان كۆپ تۈرلۈك توختاملىرىنىڭ يېقىندا رەسمىي ئىجرا قىلىنىدىغانلىقىنى بىلدۈرگەن.