تۇرۇپنىڭ تەمى ئاچچىق تەبىئىتى سوغۇق بولۇپ، ئىسسىقنى ياندۇرۇش، ھەزىم قىلىشنى ياخشىلاپ، نەپەسنى راۋانلاشتۇرۇش ۋە بەلغەمنى يۇمشىتىش رولىغا ئىگە. ھازىرقى زامان مېدىتسىناسى تۇرۇپنىڭ سۈيدۈكنى راۋانلاشتۇرۇشتىكى ئۈنۈمى يۇقىرى بولۇپ، تەركىبىدىكى تالا ماددىسى تەرەتنىڭ راۋانلىقىنى ئىلگىرى سۈرۈپ، ئورۇقلاشقا پايدىلىق، دەپ قارايدۇ. ئەگەر تۇرۇپتىن پايدىلىنىپ زەھەرنى ياندۇرۇشقا توغرا كەلسە، تۇرۇپنى خام يېيىش، شەربەت چىقىرىش ياكى سوغۇق سەي تەييارلاش، چىلاپ ساقلاش ئۇسۇلىنى تاللاشقا بولىدۇ.