توكيو ئۈچ رومبا UFJبانكىسىدىكىلەرنىڭ دىيىشىچە، بۇ ماشىنا ئادەم 24 سائەت خىزمەت قىلسىمۇ ھېرىپ قالمايدىكەن، ۋە يەنە 19 خىل تىلدا پاراڭلىشالايدىكەن،نۇرغۇن ئادەملەر ئورۇنلىيالمايدىغان ۋەزىپىلەرنى ئورۇنلىيالايدىكەن.

    تەيۋەن تاراتقۇلىرىنىڭ ئېيتىشىچە،ياپونىيە ئۈچ رومبا UFJبانكىسى 4-چىسلادىن باشلاپ بىر ئىككى تارماق بانكىسىغا ماشىنا ئادەم Nao نى خېرىدارلارنى كۈتۈۋېلىشقا سەپلەيدىكەن. بۇ ماشىنا ئادەم خەنزۇ تىلى ئېنگلىز تىلى قاتارلىق 19خىل تىلنى بىلگەندىن سىرت يەنە، خېرىدارلارنىڭ چىراي ئىپادىسى ۋە كەيپىياتىنى تەھلىل قىلالايدىكەن. ئەگەر سىناق ئىشلىتىش ئەھۋالى ياخشى بولسا تېخىمۇ كۆپ بانكىلارغا ئومۇملاشتۇرىدىكەن.

    ئىگىلىشىمىزچە 2006-يىلى ياساپ چىقىلغانNaoنىڭ بوي ئىگىزلىكى 58 سانتىمېتىر، ئېغىرلىقى 5.4كىلوگىرام بولۇپ، يۇمشاخ بانكا （SoftBank）گوروھى بىلەن فىرانسىيە Aldebaran Robotics

بىلەن بىللە تەتقىق قىلىپ ياساپ چىققان. ئۇنىڭ پىشانىسىگە كامىرا ئورۇنلاشتۇرۇلغان بولۇپ ،خېرىدارلارنىڭ چىراي ئىپادىسىنى تەھلىل قىلالايدىكەن ۋە ئاۋازىغا قاراپ ئۇلارنىڭ كەيپىياتىنى بىلەلەيدىكەن،خېرىدارلارنى يىتەكلەپ چەت ئەل پۇللىرىنى ئالماشتۇرىدىغان كۆزنەككە ۋە ئاپتوماتىك پۇل ئېلىش ماشىنىسىنىڭ يېنىغا ئاپىرالايدىكەن. ئۇ بانكا خادىملىرىنىڭ يۈكىنى يىننىكلىتىپلا قالماستىن يەنە كەيپىياتنىمۇ يۇقۇرى كۆتۈرگەن.

    بۇ ماشىنا ئادەمنىڭ بانكا خادىمى بولغان بىرىجى مىسال ئەمەس، ياپونىيە چۆچاۋ شىركىتى 2015-يىلى يىل ئاخىرىدا كۆپ تارماق دۇكانلىرىدا ماشىنا ئادەم Pepper نى دۇكان خادىمىلىققا قويىدىغانلىقىنى جاكارلىغان. Pepperنى ئوخشاشلا يۇمشاق بانكا （SoftBank）بىلەن فىرانسىيە Aldebaran Robotics تەتقىق قىلىپ ياساپ چىققان ،لىكىن بويى 121 سانتىمېتىر ،ئېغىرلىقى 28 كىلوگىرام، Nao دىن ئازراقلا چوڭ.

Huis Ten Boschسەيلە-تاماشا باغچىسى مەسئۇلىنىڭ ئېيتىشىچە،باغچا ئىچىدىكى بۇ يىل يازدا ئېچىلماقچى بولغان بىر مېھمانسارايدا 10 ئادەمدىن سىرت ھەممىسى ماشىنا ئادەمكەن. قارىغاندا، ئادەملەر ئارىسىدىكى رىقابەتتىنلا ا ئەمەس، ئادەملەر يەنە ماشىنا ئادەمنىڭ ئۆزلىرىنىڭ تاماق قاچىسىنى تارتىۋېلىشىدىن ئەنسىرەشكە باشلىغان.