جۇڭگۇ تورىنىڭ 3-ئاينىڭ 1-كۈنىدىكى خەۋىرى. روسىيە «كوممۇنىستىك ياشلار ئىتتىپاقى ھەقىقەت گىزىتى»تور پونكىتىنىڭ 2-ئاينىڭ 27-كۈنىدىكى خەۋىرىگە ئاساسلانغاندا زىنبا بۇۋىينىڭ زۇڭتۇڭى مۇجىياۋىي 2-ئاينىڭ 21-كۈنى 90 ياشلىق مەۋلۇت كۈنىنى كۈتىۋالغان، زىنبابۇۋىي باش ھۆكۈمىتى ۋە ھۆكۈمەت ئىچكى كابىنتىدىكى خادىملار 2-ئاينىڭ 22-كۈنى مۇجىياۋىي ئۈچۈن كىچىك تىپتىكى تۇغۇلغان كۈن مۇراسىمى ئۆتكۈزۈپ بىرىپ، ئۇنىڭغا ئېغىرلىقى 1.2 توننا كىلىدىغان «شىر پادىشا تەختى»نى سوۋغا قىلغان.
            ئىگەللىنىشچە، مۇجىياۋىي ئۆتكەن ھەپتە سىنگاپورغا سول كۆزىگە چۈشكەن ئاقنى ئالدۇرۇش ئوپىراتىسىيسى قىلدۇرغىلى كەتكەن بولۇپ، تۇغۇلغان كۈنىدە زىنبابۇۋىيدە ئەمەسكەن، شۇڭا زوڭتۇك مەھكىمىسى ئۇنىڭ تۇغۇلغان كۈنىنى تەبىرىكلەش مۇراسىمىنى بىر كۈن كىچىكتۈرۈپ ئۆتكۈزۈپ بەرگەن.
            شۇ جايدىكى تاراتقۇلارنىڭ خەۋىرىگە ئاساسلانغاندا بۇ «شىر پادىشا تەختى»نىڭ ئېغىرلىقى 1.2 توننا كىلىدىغان بولۇپ، زىنبابۇۋىيدىكى ئۈچ نەپەر داڭلىق ھەيكەلتاراش ئىككى يىلدىن كۆپرەك ۋاقىت سەرپ قىلىپ پۈتتۈرگەن ئىكەن. تەختنىڭ ئۇسلۇبى غەرپنىڭ خان ئوردىلىرىدىكى تەختلەرگە تەقلىد قىلىنغان بولۇپ، تاش ئاساسى ماتىرىيال قىلىنىپ، ئالتۇن يالىتىلغان، ھەمدە ئالماس ىاتارلىق جاۋاھىراتلار ئورنىتىلغان. باشقىلارنىڭكىگە ئوخشىمايدىغان يىرى شۇكى، تەختنىڭ ئارقا يۆلەنچۈكىگە تىمساھ تىرىسى ۋە قاپلان تىرىسى پۈتۈن پېتى ئىشلىتىلگەن، تەختنىڭ قول تايانغۇسىغا يىرتقۇچ ھايۋان پەنجسىنىڭ شەكلى ئۇيۇلغان.
             زىنبابۇۋىي زۇڭتۇڭ مەھكىمىسىنىڭ ئىشخانا مۇدىرى شىۋاندا مۇنداق دەيدۇ: ئۈچ سەنئەتكار بۇ ئالاھىدە سوۋغىنى زۇڭتۇڭ مەھكىمىسىگە سوۋغا قىلىش ئارقىلىق ئۇزلىرىنىڭ زۇڭتۇڭغا بولغان ھۆرمىتىنى ئىپادىلىدى. سىنبانىڭ ھەيۋىسى ناملىق بۇ «شىر پادىشا تەختى» شۇ جايدىكى شونا تىلىدا شىر، ئۆي ۋە تاشتىن ئىبارەت ئۈچ خەتنىڭ بىرىكىشىدىن تۈزۈلگەن بولۇپ، زىنبابۇۋىيچە تەلەپپۇزغا ئىنايىن يېقىن.
             مۇجىياۋىي ئۆزىنىڭ 90 ياشقا توشقان كاتتا تۇغۇلغان كۈن مۇراسىمىدا مۇنداق دىدى: گەرچە 90 ياشقا كىرگەن بولساممۇ لىكىن تۇيغۇم ياخشى، روھىم خۇددى 9 ياشلىق بالىلارنىڭكىدەك ئۇرغۇپ تۇرىۋاتىدۇ. بۇ دەل بۇ شىر پادىشا تەختىدىن چاقناپ تۇرغان رەڭگارەڭ نۇرلارغا ماسلىشىۋاتقاندەكلا.
              1924-يىلى 2-ئاينىڭ 21-كۈنى تۇغۇلغان مۇجىياۋىي بولسا ئافىرىقا مىللى مۇستەقىللىق قەھرىمانى، زىنبابۇۋىينىڭ «دۆلەت قۇرغۇچىسى». شۇنداقلا ھەم ئافىرىقىدا ۋەزىپە ئۆتىگەن ۋاقتى ئەڭ ئۇزۇن رەھبەر. مۇجىياۋىي 1980-يىلى زىنبابۇۋىي مۇستەقىل بولغاندىن تارتىپ ئۇدا 34 يىل ھاكىمىيەتنى قولىدا تۇتقان، ئۇ بۇلتۇرقى زۇڭتۇڭ چوڭ سايلىمىدا يەنە بىر قېتىم يۇقۇرى ئۈستۈنلۈك بىلەن كونا رىقابەتىچىسى، ئىلگىركى زۇڭلى سىۋانكىراينى يېڭىپ قايتا ۋەزىپىگە تەيىنلەندى. مۇجىياۋىينىڭ دىيىشىچە ئۇنىڭ كەلگۈسى 5 يىللىق زۇڭتۇڭلۇق ۋەزىپە مۇددىتى ئاخىرلاشقاندىن كىيىنمۇ ئۇ يەنىلا پىنسىيگە چىقىشنى ئويلاپ باقماپتۇ.