جاھان ئاگېنتلىقى 9-مارت خەۋىرى؛ لەگلەك تورى تەرجىمىسى: ئىسرائىلىيە ساقچى قىسىملىرىنىڭ ئۇممۇل فەھم مەھەللىسىدە بىر پۇقراۋى جەمئىيەت ئورنىغا بېسىپ كىرىپ، بۇ يەردە ئىشلەيدىغان پەلەستىنلىك 5 نەپەر مۇخبىرنى قولغا ئالغانلىقى بىلدۈرۈلدى. مەزكۇر جەمئىيەت خادىملىرىدىن ئېرىشكەن ئۇچۇرغا ئاساسلانغاندا، ئىسرائىلىيە ساقچى قىسىملىرى ئۇممۇل فەھم مەھەللىسىدە پائالىيەت قىلىش رۇخسىتى بار بولغان «بۇ يەر بولسا قۇددۇس! تەشۋىقات مەركىزى» نامىدىكى بىر پۇقراۋى جەمئىيەتنىڭ ئورنىغا ھۇجۇم قىلغان. ئىسرائىلىيە ساقچىلىرى، مەزكۇر جەمئىيەتنىڭ ئىشخانىلىرىدىكى كومپىيۇتېرلار ۋە ھۆججەتلەرنى قولغا چۈشۈرۈپ، بۇ يەردە ئىشلەيدىغان 5 نەپەر خادىمنى قولغا ئالغان.

يەنە بىر تەرەپتىن ئىسرائىلىيە ساقچى تەرەپ باياناتچىسى، لۇبا ئەس سەمرى بايانات ئېلان قىلىپ، بىخەتەرلىك قىسىملىرىنىڭ «تېرورنى تەشۋىقات قىلغان» دىگەن گۇمان بىلەن ئۇممۇل فەھم مەھەللىىسىدە بىر ھەرىكەت ئېلىپ بارغانلىقىنى بىلدۈردى.

سەمرى، مەزكۇر ئورگاننىڭ ئىسمىنى تىلغا ئالماستىن ، بىر قىسىم كومپىيۇتېر، ھۆججەت ۋە پۇللارنىڭ قولغا چۈشكەنلىكىنى، ۋە شۇ جايدىكى بىر قانچە كىشىنىڭ تەكشۈرۈلۈش ئۈچۈن قولغا ئېلىنغانلىقىنى بىلدۈردى.