پايدىلىنىش ئۇچۇرلىرى تور بېتىنىڭ 20-مارتتىكى خەۋىرى، باغداش تورىدىن ئەكبەر تەرجىمىسى:

چەتئەل مېدىيەلىرىنىڭ دېيىشىچە، ئامېرىكا بارلىق لەيلىمە سىيرىلغۇچ تاختىلارنى ئىمپورت قىلىشنى چەكلىگەن، چەكلەش بىخەتەرلىكنى چىقىش قىلىپ ئەمەس بەلكى Segway شىركىتى پاتېنتقا دەخلى-تەرز قىلىش شىكايىتى سۇنغان.

لەيلىمە سىيرىلغۇچ تاختا ئۇچار گىلەمدەك بوشلۇقتا لەيلىيەلەيدۇ، ئەڭ دەسلەپ 1989-يىلدىكى فانتازىيەلىك كىنو «كەلگۈسىگە قايتىش-2»دە كۆرۈلگەن. 2014-يىلى ئامېرىكا كالفورنىيە ئىشتاتىدىكى تېخنىكا شىركىتى Hendo ئەمەلىي مەھسۇلاتنى ياساپ چىقتى، بۇ شىركەتنىڭ لەيلىمە سىيرىلغۇچ تاختىسى يەردىن پەقەت تەخمىنەن 2.54 سانتىمېتىر كۆتۈرۈلەلەيدۇ، مۇشۇنداق تۆۋەن ئېگىزلىكمۇ چوقۇم توك ئۆتكۈزگۈچ ماتېرىياللار، مەسىلەن مىس ياكى ئاليۇمىن يۈزىدە ئاندىن ئەمەلگە ئاشىدۇ. باتارېيەنىڭ يېتىش ۋاقتىمۇ 15 مىنۇت، بۇ ۋاقىت «كەلگۈسىگە قايتىش-2»دىكى غوجايىننىڭ دۈشمەننىڭ يېنىدىن تېز سۈرئەتتە قېچىپ كەتكىنىدەك ئۇنداق يەتمەيدۇ.

ئامېرىكا لەيلىمە سىيرىلغۇچ تاختىنى ئىمپورت قىلىشنى چەكلىدى، كۆپ قىسىمى جۇڭگودا 2014-يىلى 11-ئاينىڭ ئاخىرىدا ئىشلەنگەن، مەزكۇر سىيرىلغۇچ تاختا «دەۋر» ھەپتىلىكى تەرىپىدىن 2014-يىلىدىكى 25 تۈرلۈك يىللىق ئەڭ ياخشى كەشپىيات بولۇپ باھالانغان.

كىچىك كەشپىيات تور بېتىنىڭ خەۋىرىگە ئاساسلانغاندا، باش ئىشتابى يېڭى ھامپىشىر ئىشتاتىغا جايلاشقان Segway شىركىتى 400 دىن ئارتۇق پاتېنت ھوقۇقىغا ئېرىشكەن. شىركەت 2014-يىلىلا ئىمپورت قىلىنغان لەيلىمە سىيرىلغۇچ تاختىلارنى خەلقئارا سودا كومىتېتىغا ئەرز قىلغان، بۇ مەھسۇلاتلار Segway شىركىتىنىڭ پاتېنت تېخنىكىسىنى ئىشلىتىپ، سىيرىلغۇچ تاختىنىڭ تەڭپۇڭلىقىنى ساقلىغان دەپ قارىغان.

خەۋەردە دېيىلىشىچە، ئىمپورت لەيلىمە سىيرىلغۇچ تاختىلارغا (كۆپ قىسىمى جۇڭگودا ئىشلەپچىقىرىلغان) چەكلەش پەرمانى چىقىرىش ئامېرىكىدا بۇ مەھسۇلاتنىڭ قىس بولۇشىنى كەلتۈرۈپ چىقىرىشى مۇمكىن ئىكەن. بىراق لەيلىمە سىيرىلغۇچ تاختا بازىرى نۆۋەتتە تىنچ مەزگىلىدە تۇرماقتا، ئامېرىكا ئىستېمال مەھسۇلاتلىرى كومىتېتى لەيلىمە سىيرىلغۇچ تاختىسىدا «نۇقسان» بارلىقىنى ئېيتقان ئىدى، چۈنكى يېڭى بىخەتەرلىك بەلگىلىمىسىگە ئۇيغۇن كەلمەيدىغان بولۇپ، «ئىنتايىن يۇقىرى ئوت كېتىش خەتىرى» پەيدا قىلىدىكەن. ئامازون ۋەTarget تۈرلۈك ماللار شىركىتى قاتارلىق چوڭ تىپتىكى پارچە سېتىش سودىگەرلىرى بۇ خىلدىكى مەھسۇلاتنى سېتىشنى توختاتتى.

ئالدىنقى ئايدا، تېنناس ئىشتاتىدىكى بىر ئائىلىدە لەيلىمە سىيرىلغۇچ تاختا سەۋەبلىك ئوت ئاپىتى يۈز بېرىپ، ئىككى ئۆسمۈرنىڭ بىنادا ئوتتا قاپسىلىپ قېلىشىنى كەلتۈرۈپ چىقارغان. تەكشۈرۈش خادىملىرى ئوت ئاپىتى مەلۇم خىلدىكى لەيلىمە سىيرىلغۇچ سەۋەبلىك يۈز بەردى دەپ بېكىتتى.

خەۋەردە دېيىلىشىچە، ئامېرىكا خەلقئارا سودا كومىتېتىنىڭ ھۆكۈمىتىدە Segway شىركىتى پاتېنتقا دەخلى-تەرز قىلدى دەپ قارىغان ماركىلار تىزىلغان، ھازىر ئامېرىكا بۇ ماركىدىكى سىيرىلغۇچ تاختىلارنى ئىمپورت قىلىشنى چەكلەيدۇ.