موڭغۇل ئاتلىرىنىڭ ھەر تەپكە چېپشىغا ئەگىشىپ بىر مەھەل دەۋرام سۈرگەن ئەرەب ئىمپىريەسى زاۋالىققا يۈز تۇتقان ۋە ئاخىردا پارچىلىنىپ كەتكەن. بىراق شۇنىڭ بىلەن بىر ۋاقىتتا ئىسلام مەدەنىيتى تېخىمۇ كەڭ تارقالغان .بۈگۈنكى كۈنگە كەلگەندە ئەرەب دۇنياسى يەنىلا بىر مۇسۇلمان دۆلىتىدىن تەشكىل تاپقان ئىسلام مەدەنىيتىنىڭ يىغندىسى بۇلۇپ كەلمەكتە. دۇنيا تارىخى  ئىسلام دىنىغا ئىتقاد قىلدىغان مۇسۇلمان دۇنياسىنىڭ ئىنسانيەت تارىخىغا زور تەسىر كۆرسەتكەنلىكى ۋە شانلىق تۆھپە قوشقانلىقنى ئىتراپ قىلماي تۇرالمايدۇ.

ئەرەب مەدەنىيتى بىلەن ئۆز-ئارا ماسلىشىپ تۇرغان ھەمدە تارىختىكى ئوخشىمغان مەزگىللەردە قۇيۇق ھەمكارلىق ئورناتقان ‹‹شەرىق مۇسۇلمانلىرى›› ئىززچىل چېگىراسى بىپايان  جۇڭگو زىمنىدا ساقلىنىپ كەلمەكتە.سانلىق مەلۇماتلاردا كۆرسىتىلشىچە، مەملىكىتمىزدە خۇيزۇلارنىڭ سانى 10مىليوندىن ئاشىدىغان بۇلۇپ ئۇلار جۇڭگونىڭ ھەرقايسى جايلىرىغا كەڭ تارقالغان ، بۇلۇپمۇ غەربىي شىمال تەرپتە زىچ ئولتۇراقلاشقان. نىڭشىيانىڭ ئۆزىدىلا 2مىليوندىن ئارتۇق خۇيزۇ بار . نىڭشىيا مەيلى جۇغراپىيەلىك جەھەتتىن بولسۇن ياكى تارىخى مەنبەسى جەھەتتىن بولسۇن دىنى ئېتقاد جەھەتتە ئەرەب مەدەنىيتى بىلەن كۆپ ھالقىلىق مۇناسىۋەتكە ئىگە.

نىڭشىيانىڭ يىنچۈئەن  شەھرىدە 2012-يىلى 8-ئاينىڭ 5-كۈنى مۇسۇلمانلارنىڭ زىچ ئولتۇراقلاشقانلىق ئالاھىدىلكىگە ئاساسەن ‹‹دۇنيا مۇسۇلمانلار شەھىرى ››تۈرىگە ئىش باشلىغان . بۇ تۈرنىڭ مەقسىتى بولسا دۇنيادىكى ئەڭ چوڭ مۇسۇلمانلار مەدەنىيتىنى تىما قىلغان قۇرۇلۇش تۈرلىرنى تاماملاش بۇلۇپ، ئۆز ئىچىگە ئالغان 23قىسمىدا ‹‹دۇنيا ئىسلام مەدەنىيتى كۆرگەزمىخانىسى››غا ئوخشاش  مۇسۇلمانلار ئۈچۈن ئۆز مەدەنىيتىنى نامايەن قىلالايدىغان ۋە پىكىر ئالماشتۇرالايدىغان سورۇن  بۇلۇپلا قالماي يەنە ‹‹مىڭ بىر كىچە سەيلىگاھى››غا ئوخشاش مۇسۇلمانلارنىڭ سەنئەت مەدەنىيتىگە ۋەكىللىك قىلدىغان تۈرمۇ بار. بۇلاردىن باشقا يەنە ئەرەب تارىخىنى ئۆزىگە مۇجەسسەملىگەن ‹‹سۇ ئۈستى يىپەك يولى مۇزىيى›› قاتارلىق تۈرمۇ پىلانلانغان. پۈتۈن قۇرلۇش تۈرىنىڭ ھەممىسى نىڭشىيا ئۆلكىلىك ھەر دەرىجىلىك ھۆكۈمەت ئورۇنلىرى ۋە مەملىكەت تەۋەسىدىكى كۆپلىگەن  شىركەتلەرنىڭ قوللىشىغا ئېرىشكەن بۇلۇپ، داڭلىق لايھىلەش ئۇستىسى ۋاڭجىگاڭ لايھىلەشكە مەسئۇل بولغان . مۆلچەرلىنشىچە پۈتۈن قۇرلۇش 8 يىلدا تاماملىندىكەن.