جۇڭگو ئۇيغۇرچە رادىيو تورى 17-مارت بېيجىڭ خەۋىرى:

مالايسىيا ئاۋىياتسىيە شېرىكىتىنىڭMH370 بەلگىلىك يولۇچىلار ئايروپىلانىنىڭ ئالاقىسى ئۈزۈلۈپ قالغىنىغا 9 كۈن بولدى، بۈگۈنكىچە بۇ يولۇچىلار ئايروپىلانىنىڭ ئىز دېرىكى بولمىدى. جۇڭگو ھۆكۈمىتى بىرلەشمە خىزمەت گۇرۇپپىسىنىڭ باشلىقى گو شاۋچۈن 16-مارت كۇئالالومپۇردا مۇنداق دېدى: بىز مالايسىيا تەرەپنىڭ ئاختۇرۇش دائىرىسىنى كېڭەيتىپ ۋە ئېنىق بېكىتىپ ، ئاختۇرۇش كۈچىنى زورايتىشنى تەلەپ قىلدۇق. گۇ شاۋچۈن مۇنداق دېدى: خىزمەت گۇرۇپپىسى مالايسىيا ھۆكۈمىتى 15-مارت جاكارلىغان مالايسىيا ئاۋىياتسىيە شېرىكىتىنىڭ ئالاقىسى ئۈزۈلۈپ قالغان يولۇچىلار ئايروپىلانىغا ئالاقىدار ئەڭ يېڭى خەۋىرىگە دىققەت قىلدۇق، ھەمدە مالايسىيا تەرەپدىن جۇڭگو تەرەپكە تېخىمۇ ئومۇميۈزلۈك، توغرا ئەھۋاللارنى يەتكۈزۈشىنى تەلەپ قىلدۇق، مالايسىيا تەرەپنى يېڭى ئەھۋاللارغا ئاساسەن ئاختۇرۇش دائىرىسىنى كېڭەيتىشكە ۋە ئاختۇرۇش كۈچىنى زورايتىشقا دەۋەت قىلىمىز. نۆۋەتتە، مەملىكەت ئىچىدىن ئەۋەتىلگەن ئاۋىياتسىيە مۇتەخەسسىسلىرى مالايسىيانىڭ تەكشۈرۈش خىزمىتىگە ياردەم بېرىش ئۈچۈن كۇئالالۇمپۇرغا يېتىپ باردى.

مالايسىيانىڭ دۆلەت موداپىئە مىنىستىرى قوشۇمچە مۇۋەققەت قاتناش مىنىستىرى ھېسامىدىن 16-مارت ئۆتكۈزۈلگەن مۇخبىرلار يىغىنىدا، نۆۋەتتە ئاختۇرۇشقا قاتناشقان دۆلەتلەرنىڭ 14 دىن 25 كە كۆپەيگەنلىكىنى ئېيتتى. مالايسىيا ساقچى تەرەپنىڭ باشلىقى مۇخبىرلار يىغىنىدا مۇنداق دېدى: ئايروپىلانىنىڭ ئالاقىسىنىڭ ئۈزۈلۈپ قىلىشى ئادەم بىلەن مۇناسىۋەتلىك، مالايسىيا ئايروپىلان گۇرۇپپا خادىملىرى ۋە يولۇچىلارنى تەكشۈرۈشنى كۈچەيتتى. ساقچى تەرەپ كۇئالالومپۇر ئايرودرومىنىڭ يەر يۈزى خىزمەتچى خادىملىرىنى تەكشۈرمەكتە، شۇنىڭ بىلەن بىر ۋاقىتتا ئالاقىسى ئۈزۈلۈپ قالغان ئايروپىلاندىكى ئىككى ئۇچقۇچىنى ۋە ئايروپىلان گۇرۇپپا باشلىقىنىڭ ئويىنى ئاختۇرۇش داۋامىدا بايقىغان ئۇچۇش تەقلىدلەشتۈرگۈچنى تەكشۈرمەكتە.

ئۇ يەنە مۇنداق دېدى: بۇ ئىككى ئۇچقۇچى بۇ نۆۋەتچى ئايروپىلاندا بىرگە ئۇچۇشنى تەلەپ قىلمىغان، مالايسىيا ئاۋىياتسىيە ئىدارىسىنىڭ باش نازارەتچىسى مۇنداق دېدى: ئالاقىسى ئۈزۈلۈپ قالغان يولۇچىلار ئايروپىلانى سۈنئىي ھەمراھ ئارقىلىق سىگنال بەرگەندە قۇرۇقلۇققا چۈشكەن ۋاقىت بولۇشى مۇمكىن. مالايسىيا قاتناش مىنىستىرلىقى 16-مارت بايانات ئېلان قىلىپ مۇنداق دېدى: ئالاقىسى ئۈزۈلۈپ قالغان يولۇچىلار ئايروپىلانىنى ئاختۇرۇش خىزمىتىنى مالايسىيانىڭ يېتەكچىلىكىدە كۆپ دۆلەتلەر ئىلىپ بارماقتا، مالايسىيا ھۆكۈمەت ئەمەلدارى ئالاقىسى ئۈزۈلۈپ قالغان يولۇچىلار ئايروپىلانىنىڭ ئەڭ ئاخىردا سۇنى ھەمراھ بىلەن بولغان ئالاقىسىنىڭ ئۈزۈلۈپ قىلغان ئىككى رايونىدىكى دۆلەتلەر بىلەن ئالاقىلاشقان ۋە ئۇلارنىڭ ياردەم بېرىشنى تەلەپ قىلغان بولۇشى مۇمكىنلىكىنى ئېيتتى.

‏لەگلەك تورى ئۈندىدار سالونىنى قوشىۋېلىڭ ـــــــــــــــــــ ئىزدەش نامى LEGLEK