ئەنگلىيە تاراتقۇلىرىنىڭ خەۋىرىگە قارىغاندا، ئالىملار يېقىندا ھىندونېزىيەنىڭ سۇلاۋېسى ئارىلىدا 118 مىڭ يىل ئىلگىرىكى تاش قورالنى بايقىغان بولۇپ، بۇ تاش قوراللار تارىختىن بۇرۇنقى پەتەك ئادەملەرگە مەنسۇپ بولۇشى مۇمكىن ئىكەن. ئەمما بۇ تاش قوراللارنىڭ ئىنسانلار بىلەن ئالاقىسى بار-يوقلۇقىتوغرىسىدا ھېچقانداق ئېنىق مەلۇمات بولمىغانلىقى سەۋەبىدىن، بۇ تاش قوراللارنى ياسىغانلار سىرغا ئايلانغان.

         ئىگىلىنىشىچە، تەتقىقاتچىلار تەسۋىرلەپ بەرگەن 311 تاش قورالنىڭ كۆپىنچىسى بىر خىل قاتتىق ھاك تاشتىن تەركىب تاپقان. 2004-يىلى ھىندونېزىيەنىڭ فىلورىس ئارىلىدا خوببىت ئادەملىرىنىڭ (ئېگىزلىكى تەخمىنەن 1.1 مېتىر، قورال ياساش ئىقتىدارى بار، كىچىك تىپتىكى پىللارنى ئوۋلىغان ئادەم) تاشقاتمىسى بايقىلىپ، دۇنيانى زىلزىلىگە كەلتۈرگەن. ئالىملار ئۇزۇندىن بېرى بۇ رايوندا ياشىغان خوببىتئادەملىرىنىڭسىرىنى ئېچىشنىئۈمىد قىلغان. بۇ قېتىم سۇلاۋېسى ئارىلىدا تېپىلغان تاش قوراللار بۇ سىرلارنى ئېچىشقا ياردىمى زور ئىكەن.