ئامېرىكا «ۋاشىنگىتون كۈندىلىك پوچتا گېزىتى» نىڭ 1-چېسلا خەۋەر قىلىشىچە، يېقىندا ئامېرىكا چىكاگودىكى بىر ئەر بىرىنچى دەرىجىلىك قاتىللىق جىنايىتى بىلەن ئەيىبلەندى. چۈنكى ئۇ 14 ياشلىق جىيەن قىزىغا بىر دانە تاپانچا بەرگەن، ئۇندىن كېيىن، بۇ 14 ياشلىق قىز ئالاقە تورىدا تاكاللىشىپ قالغان يەنە بىر قىزنى شۇ تاپانچا بىلەن ئېتىپ ئۆلتۈرىۋەتكەن ئىدى.

       بۇ ئەرنىڭ ئىسمى دونايئېر (Duo Naier) بولۇپ، 27 ياش، ئۇ ئۆزىنى ئاقلاپ، مەن جىيەن قىزىم ئۆزىنى قوغدىسۇن تاپانچىنى بەرگەن، دېدى. ئىگىلىنىشىچە، بۇ دېلو 2014-يىلى يۈز بەرگەن بولۇپ، ئەينى ۋاقىتتا دونايئېر جىيەن قىزىغا بەرگەن تاپانچىمۇ ئوغۇرلاپ كەلگەن تاپانچا ئىكەن.

      بۇنىڭغا قارىتا تەپتىش مەھكىمىسى تەرەپ مۇنداق ئىپادە بىلدۈردى، دونايئېرنىڭ جىيەن قىزى بىلەن يەنە بىر قىز ئىككىسى تاكاللىشىپ قالغان ۋاقىتتا، بۇ ماجرانى ھەل قىلىشنىڭ ناھايىتى كۆپ ئۇسۇللىرى بار ئىدى، بىراق ئۇ جىيەن قىزىغا تاپانچا بېرىش ئۇسۇلىنى تاللىغان.

ئىگىلىنىشىچە، زىيانكەشلىككە ئۇچراپ قازا قىلغۇچى قىزنىڭ ئىسمى ئەندىئېر (Andier) ئالاقە تورىدا دونايئېرنىڭ جىيەن قىزىغا تەھدىت ئارىلاش گەپ قىلغان. دونايئېرنىڭ ئادۋوكاتى مۇنداق دېدى، توردىكى تەھدىت سۆزى سەل چېكىدىن ئاشقان، شۇڭلاشقا دونايئېر جىيەن قىزىغا تاپانچا بېرىشنى تاللىغان.