دۆلەت رەئىسى شى جىنپىڭ 23-دېكابىر چۈشتىن كېيىن جۇڭنەنخەيدىكى يىڭتەيدە ۋەزىپىسىدىن مەلۇمات بەرگىلى بېيجىڭغا كەلگەن ئاۋمېن ئالاھىدە مەمۇرىي رايونىنىڭ باش مەمۇرى سۈي شىئەن بىلەن كۆرۈشۈپ، ئۇنىڭ ئاۋمېننىڭ نۆۋەتتىكى ۋەزىيىتى ۋە ئالاھىدە مەمۇرىي رايون ھۆكۈمىتىنىڭ خىزمەت ئەھۋالى توغرىسىدىكى دوكلاتىنى ئاڭلىدى ھەمدە پۈتۈن ئاۋمېن خەلقىگە يېڭى يىللىق سالام يوللىدى.    شى جىنپىڭ مۇنۇلارنى بىلدۈردى: بىر يىلدىن بۇيان، باش مەمۇر سۈي شىئەن يېڭى بىر نۆۋەتلىك ئالاھىدە مەمۇرىي رايون ھۆكۈمىتىنى يېتەكلەپ سىياسىي ئىشلارنى پۇختا يولغا قويۇپ، ئىجتىھات بىلەن خىزمەت قىلىپ، كەلگۈسى تەرەققىياتنى ئاكتىپ پىلانلاپ، يىپيېڭى قىياپەتنى نامايان قىلدى، جەمئىيەتتىكى ھەرقايسى ساھەدىكىلەر بۇنىڭدىن ئۈمىدكە تولدى. مەركەز سىز ۋە ئالاھىدە مەمۇرىي رايون ھۆكۈمىتىنىڭ خىزمەتلىرىنى تولۇق مۇئەييەنلەشتۈرىدۇ.(تامام)