ۋاڭيى تورى خەۋىرى لەگلەك تورى تەرجىمىسى

2014-يىلى 11-ئاينىڭ 29-كۈنى سەھەردە جۇڭگۇ مائارىپ ئىلمىي جەمئىيىتى 27 -قېتىملىق ئىلىم پەن يىللىق يېغىنى بېيجىڭدا ئېچىلدى. دۆلەت مائارىپ ئىمتىھانى رەھبەرلىك قىلىش كومىتىتىنىڭ ھەيئەت ئەزاسى تەن سوڭخۇا تۇنۇشتۇرۇپ ئالىي مەكتەپ ئىمتىھانى ئىسلاھ قىلىنغاندىن كېيىن كەلگۈسى ئالىي مەكتەپ ئىمتىھانى قۇبۇل قىلىش يۆنىلىشى تۈركۈم دەرىجىسىنى ئەمەلدىن قالدۇرىشى مۇمكىن. بۇنداق بولغاندا ئوقۇغۇچىلارغا قوش يۆنىلىشلىك تېخىمۇ كۆپ تاللاش پۇرسىتى بولىدۇ دېدى.

تەن سوڭخۇا تۇنۇشتۇرۇپ مۇنداق دېدى: ھازىر دىيىلىۋاتقان تۈركۈم دەرىجىسىنى سۇسلاشتۇرۇش بولسا ئالىي مەكتەپ ئىمتىھانىدا بۇنىڭدىن كېيىن «تۇلۇق كۇرۇس بىرىنچى تۈركۈم»، «تۇلۇق كۇرۇس ئىككىنچى تۈركۈم»، «تۇلۇق كۇرۇس ئۈچىنچى تۈركۈم» دەپ ئايرىلمايدۇ. ئوقۇغۇچىلار ھەرقايسى مەكتەپلەرنىڭ ھەرقايسى كەسىپلىرىنىڭ تەرتىپىنى خالىغانچە يازسا بولىدۇ. تەن سوڭخۇا چۈشەندۈرۈپ مۇنداق دېدى: چۈنكى بېيجىڭ ئۇنۋىرسىتىتى ، چىڭخۇا ئۇنۋىرسىتىتى قاتارلىق داڭلىق ئۇنۋىرستىتلارنىڭ ھەممە كەسپى ئەڭ ياخشى ئەمەس. بەزى مەكتەپلەر بىرىنچى تۈركۈمدىكى مەكتەپلەر ئەمەس، بىراق ئۇنىڭ مەلۇم بىر كەسپى ناھايىتى ياخشى بولىدىغان ئەھۋاللار مەۋجۇت. ئەگەر تۈركۈم دەرىجىسى ئەمەلدىن قالدۇرۇلسا ئوقۇغۇچىلار كەسىپكە ئاساسەن ئارزۇ توشقۇزالايدۇ. بەزى مەكتەپلەر بىرىنچى تۈركۈمدىكى مەكتەپ بولمىسىمۇ ئوقۇغۇچىلار ئۇنى بىرىنچى ئارزۇسىغا يازالايدۇ. بۇ خىل ئۇسۇل ئالىي مەكتەپلەرنىڭ كەسىپ قۇرۇلۇشىغا پايدىلىق. بەزى مەكتەپلەرنىڭ ياخشى كەسپى ياخشى ئوقۇغۇچىلارنى تاللىيالايدۇ.تۈركۈم دەرىجىسىنى ئەمەلدىن قالدۇرۇشقا ماسلىشىش ئۈچۈن بەلكىم بىر ئارخىپنى كۆپ ئىشلىتىش ئۇسۇلى بارلىققا كېلىشى مۇمكىن. ئۇقۇغۇچىلار كۆپلىگەن مەكتەپلەرگە ۆكپ قېتىم ئارخىپىنى يوللاپ قوش يۆنىلىشلىك ئۈنۈم ھاسىل قىلسا بولىدۇ.

مائارىپ مىنىستىرلىكىنىڭ مۇئاۋىن مىنىستىرى لىيۇ لىمىن ئاشكارىلاپ مۇنداق دېدى: كەلگۈسى بەش يىل ئىچىدە دۆلەت 200 مىلىيارد يۈەن مەبلەغ ئاجرىتىپ مەجبۇرىتەت مائارىپى ئاجىز مەكتەپلەرنى ئۆزگەرتىشكە ئىشلىتىدۇ. ئۆتكەن مەزگىللەردە ئىقتىساد يېتىشمىگەنلىك سەۋەبىدىن بەزى ئىقتىسادى كەينىدە قالغان رايۇنلاردا ئىلگىرى مەكتەپتە ئۈستەل ئۇرۇنداقلار بولماسلىق ، ئوقۇغۇچىلارنىڭ ئۆزى ئۈستەل ئورۇندۇق ئەكىلىپ ئوقۇشتەك ئەھۋاللار بار ئىدى. مائارىپى ئاجىز رايۇنلارغا بولغان دىققەتنى كۈچەيتش مائارىپ مىنىسىتىرلىكىنىڭ ىزمەتلىرىنىڭ مۇھىم بىر نۇقتىسى بۇلۇپ قالدى.كەلگۈسى ئۈچ يىل ئىچىدە مەجبۇرىيەت مائارىپى باسقۇچىدىكى مېيىپ ئۇقۇغۇچىلارنىڭ 90% نىڭ مائارىپ قۇبۇل قىلىشى ئەمەلگە ئاشۇرلىدۇ. ئىگىلىنىشچە ھازىرقى مەجبۇرىيەت مائارىپى باسقۇچىدا پۈتۈن مەملىكەتتىكى 80 مىڭ مېيىپ بالىلار مەكتەپكە كىرمىگەن.كەلگۈسى ئۈچ يىل ئىچىدە قەدەمگە بۆلۈپ ئورۇنلاشتۇرۇلۇپ سىنىپقا بۆلۈنۈپ ئوقۇش، ئالاھىدىلىكى بار مەكتەپ قۇرۇش، مائارىپنى ئۆيگىچە يەتكۈزۈش قاتارلىق ئۇسۇللار ئارقىلىق ئۇلارنىڭ مەجبۇرىيەت مائارىپى قۇبۇل قىلالماسلىق مەسىلسى ھەل قىلىنىدىكەن.

ئۇنىڭدىن باشقا «مائارىپ تەڭپۇڭلىقى» نى ئەمەلگە ئاشۇرۇش ئۈچۈن مائارىپ مىنىستىرلىكى تەتقىق قىلىپ ۋەزىپە ئۆتەۋاتقان ئوقۇتقۇچى مەكتەپ مۇدىرلىرىنىڭ پىكىر ئالماشتۇرۇش سىياسىتىنى يولغا قويىدىكەن. پىلان بۇ يىلدىن باشلاپ 3 يىلدىن 5 يىلغىچە بولغان ۋاقىت ئىچىدە ناھىيە رايۇنى تەۋەسىدىكى مەكتەپ مۇدىرى ئۇقۇتقۇچىلارنىڭ پىكىر ئالماشتۇرۇشنى تۈزۈملەشتۈرۈش، ئادەتتىكىچىلىككە يۈزلەندۈرۈش ئەمەلگە ئاشۇرۇلىدىكەن. يۇقىرى دەرىجىلىك مەكتەپلەرنىڭ ھەر يىلى 10% دىن تۆۋەن بولمىغان ئوقۇتقۇچىلار ئالمىشىپ مەكتەپ مۇدىرى بولىدىكەن. مەكەتەپ مۇدىرى ، مۇئاۋىن مەكتەپ مۇدىرى قاتارلىقلار ئۇدا ئىككى نۆۋەت ۋەزىپە ۋاقتى توشقاندىن كېيىن پىرىنسىپ بويىچە ئالمىشىدىكەن. ھازىرغىچە ھەرقايسى ئۆلكە شەھەرلەرنىڭ ھەممىسى ماس ھالدا ئالمىشىپ ئىشلەش تۈزۈمىنى يولغا قويۇۋاتىدۇ.