<<ئەنگلىيە كۈندىلىك پوچتا گېزىتى>>نىڭ 20-دېكابىردىكى خەۋىرىگە قارىغاندا، ئاۋسترالىيەلىك بىر ئەر ئۈچ يىل ۋاقىتتا چىڭگىزخان بويسۇندۇرغان يوللارنى قايتىدىن مېڭىپ بېسىپ تاماملاپ، دۇنيانىڭ ئەڭ چېتىدىكى كىشىلەرنىڭ تۇرمۇشىنى چوڭقۇر چۈشەنگەن، بۇنىڭ بىلەن ئۇ ئاۋسترالىيەدىكى ئەڭ ئۇلۇغ 50 ئېكسپېدىتسىيەچىنىڭ بىرى بولۇپ باھالانغان.   35 ياشلىق تىم كوپ ئاۋسترالىيەنىڭ ۋېكتورىيە  ئوبلاستىدىكى بىر ئېكسپېدىتسىيەچى بولۇپ، ئۈچ يىلدا ئاتلىق موڭغۇلىيەدىن يولغا چىقىپ، قازاقىستان، رۇسىيە، ئۇكرائىنالارنى كېسىپ ئۆتۈپ، ئاخىرىدا پورتۇگالىيەگە يېتىپ بارغان. پۈتۈن لىنىيە ئاسىيا-ياۋروپا چوڭ يايلىقىنى كېسىپ ئۆتىدىغان بولۇپ، قار-مۇز بىلەن قاپلانغان ئالتاي تاغ تىزمىسى، پىژغىرىم ئىسسىق جاننى ئالىدىغان قازاقىستان قۇملۇقى قاتارلىقلار بولۇپ، ئومۇمىي مۇساپە 10 مىڭ كىلومېتىرغا يېتىدۇ.

  كۇپنىڭ دېيىشىچە، ئۇ پۈتۈن مۇساپىنى پۈتۈنلەي كۆچمەن چارۋىچى سۈپىتىدە تاماملىغان. پۈتۈن مۇساپىدە، ئۇ ئۈچ ئات، بىر تۆگىنى مىنگەن، يەنە بىر قازاقىستان تايغىنىنى ھەمراھلىققا ئېلىۋالغان. سەپەردە، ئۇ شۇ يەرلىك كىشىلەرنىڭ قىزغىن كۈتۈۋېلىشىغا مۇيەسسەر بولغان.