دۆلەت رەئىسى شى جىنپىڭ 30-سېنتەبىر گوۋۇيۈەننىڭ دۆلەت بايرىمى مۇناسىۋىتى بىلەن ئۆتكۈزگەن كۈتىۋېلىش يىغىنىدا مۇھىم سۆز قىلدى. چەتئەللەردىكى ئەربابلار مۇنداق دەپ ھېسابلىدى: رەئىس شى جىنپىڭ سۆزىدە يېڭى جۇڭگو قۇرۇلغان 65 يىللىق تارىخى مۇساپىنى ئەسلەپ ئۆتتى، شۇنداقلا كەلگۈسىگە نەزىر سالدى، بۇ جۇڭگونىڭ كەلگۈسى تەرەققىياتىدا چوڭقۇر يېتەكچى ئەھمىيەتكە ئىگە.

ھىندىستان جۇڭگو تەتقىقات ئورنىنىڭ مۇئاۋىن باشلىقى مۇنداق دېدى: جۇڭگونىڭ تەرەققىيات نەتىجىلىرى، دۇنيانىڭ دىققىتىنى تارتتى. جۇڭگو پۈتكۈل دۇنيا ئىقتىسادىنىڭ تەرەققىياتىغا تۇرتكە بولىدىغان ھەرىكەتلەندۈرگۈچ كۈچ، شۇنداقلا تەرەققىي قىلىۋاتقان دۆلەتلەرنىڭ ئۆگىنىشىگە ئەرزىيدىغان ئۇلگە.

كورىيە شەرقىي شىمالىي ئاسىيا تارىخ تەتقىقات ئورنىنىڭ باش تەتقىقاتچىسى مۇنداق دېدى: رەئىس شى جىنپىڭنىڭ سۆزىدە ئوتتۇرغا قويۇلغان سەككىز ئىشتا چىڭ تۇرۇش كەلگۈسىگە نەزەر سېلىپ جۇڭگونىڭ كەلگۈسى تەرەققىياتىغا يۆنىلىش كۆرسىتىپ بەردى، شۇنداقلا باشقا دۆلەتلەرگە كۆپلىگەن قىممەتلىك پايدىلىنىش ماتېرىيالىنى كۆرسىتىپ بەردى.

بولۇپمۇ تىنچ تەرەققىي قىلىش يولىدا چىڭ تۇرۇش، جۇڭگونىڭ تىنچلىق ئاساسىدا تەرەققىي قىلىشدا ، تىنچلىق ئاساسىدا گۈللىنىشىدە ئاۋۋالقىدەكلا چىڭ تۇرىدىغانلىقىنى، زومىگەرلىك قىلمايدىغانلىقىنى، كىچىكلەرنى ۋە ئاجىزلارنى بوزەك قىلمايدىغانلىقىنى كۆرسەتتى. بۇ شەرقىي شىمالىي ئاسىيا ھەتتا دۇنيانىڭ تىنچلىقى، مۇقىملىقى ۋە تەرەققىيات مۇھىتىنى ئورنىتىشىدا غايەت زور رول ئوينايدۇ.