برازىلىيەلىك بۇ ئەر زەھەرلىك پاقا، زەھەرلىك يىلاندىن ياسالغان «ساندىۋىچ»نى ئاغزىغا سالدى.

     دۇئارت زەھەرلىك يىلاننى بىر زەھەرلىك پاقىغا يۆگەشتۈردى

     زەھەرلىك يىلان بىلەن زەھەرلىك پاقا دۇئارتنىڭ ئېغىزىدا بىر پەس مىدىرلىدى.

      ئەنگىلىيە «كۈندىلىك پوچتا گېزىتى» نىڭ 13 – دېكابىر خەۋەر قىلىشىچە، نۇرغۇن كىشىلەر «يىلان» دېگەن ئىسىمنى ئاڭلىسا تېنى شۈركىنىدۇ، بىراق برازىلىيەلىك ئارتېۋال دۇئارت ئىسىملىك بىر ئادەم بىر زەھەرلىك پاقىغا يۆگىشىۋالغان زەھەرلىك يىلاندىن ياسالغان «زەھەرلىك ساندىۋىچ» نى باتۇرلۇق بىلەن ئاغزىغا سالغان.

      سىن لېنتىسىدا كۆرسىتىلىشىچە، ئۆزىنى «زەھەرلىك يىلاننىڭ رەقىبى» دەپ ئاتىۋالغان دۇئارت قۇرۇق قول ھالدا، كۆك رەڭلىك بىر زەھەرلىك يىلاننى بىر زەھەرلىك پاقىغا يۆگەشتۈرۈپ، ئاندىن ئۇنى ئېغىزىغا سالغان. زەھەرلىك يىلان بىلەن زەھەرلىك پاقا دۇئارتنىڭ ئېغىزىدا بىر پەس مىدىرلىغاندىن كېيىن، زەھەرلىك يىلان ئالدى بىلەن ئۇنىڭ ئېغىزىدىن سىيرىلىپ چىققان، كېيىن زەھەرلىك پاقىمۇ سەكرەپ چىققان.

ئاسانلا ئىختىلاپ كۆرۈلىدىغان باشقا پروگراممىلارغا ئوخشىمايدىغان يېرى شۇكى، دۇئارتنىڭ بۇ نومۇرىدا، بارلىق ھايۋانلار زىيان زەخمەتكە ئۇچرىمايدىكەن، بۇ ھايۋاناتلارنىڭ ھەممىسى كېيىن تەبىئەتكە قويۇپ بېرىلىدىكەن.

    ئېيتىلىشىچە، دۇئارتنىڭ ئادەمنى چۆچىتىدىغان بۇ نومۇرنى ئورۇنلىشىدىكى مەقسەت ئامازون يامغۇرلۇق ئورمانلىقىنىڭ قالايمىقان كېسىلىشىگە نارازىلىق بىلدۈرۈش ئۈچۈن ئىكەن. بۇندىن بۇرۇن، دۇئارت غايەت زور زەھەرلىك ئۆمۈچۈك ۋە باشقا زەھەرلىك جانلىقلارنى ئېغىزىغا سېلىپ ماھارەت كۆرسەتكەن ئىكەن.