لەگلەك تورى تەرجىمىسى دۆلەت ئىسلاھات ئېچىۋېتىش تەرەققىيات كومىتتىنىڭ سابىق مۇئاۋىن مۇدىرى ، دۆلەت بايلىق ئىدارىسنىڭ سابىق باشلىقى لىيۇ تېنەن پارە ئېلىش دىلوسىغا بۈگۈن سوت ئېچىلدى . بىرىنچى سوتتا لىيۇ تېنەنگە مۇددەتسىز قاماق جازاسى بېرىلدى .

باش سوتچى نەخ مەيداندا سوت مەھكىمىسنىڭ سوراق قىلىپ چىققان ۋە تەكشۈرۈپ چىققان ئەمەلىي ئىشلارنى ئوقۇپ چىقتى . دېلودىن كېيىن جاۋاپكار لىيۇ تېنەن ئۆزلۈكىدىن دېلو تەكشۈرۈش كومتىتى تېخى بايقىمىغان نەنشەن گۇرۇھى ، گۇڭچى گۇرۇھى ۋە جاڭئەيلىن ئۇنىڭغا بەرگەن 18 مىليون 750 مىڭ يۈەن پارە ئىشنى تاپشۇردى .ھەم پارە ئالغان پۇللارنى يۇقىرىغا تاپشۇردى .

بۇ يىل 9 – ئاينىڭ 24 – كۈنى خېبېي ئۆلكىلىك ئوتتۇرا خەلق سوت مەھكىمىسى لىيۇتېنەن پارە ئالغانلىق دىلوسىغا سوت ئاچقان . تەپتىش مەھكىمىسنىڭ ئەيىپلىشچە 2002 –يىلدىن 2012 – يىلغىچە جاۋاپكار لىيۇتېنەن ئۆزىنىڭ دۆلەت لاھىيلەش كومتىتىنىڭ باشلىقى ، ھەم مۇئاۋىن مۇدىرى قاتارلىق ھوقۇقىدىن پايدىلىنىپ باشقىلارنىڭ تۈرلىرىنى تەستىقلاپ ، دۇكانلىرىنى تەسىس قىلىپ ئۇلاردىن پارە ئالغان . ئۆزى يالغۇز ياكى زىلىيۇدې بىلەن بىرلىشىپ شەندۇڭ نەنشەن گۇرۇھى لىدىرى سوڭزوۋىن ، جېجىياڭ خېڭيى گۇرۇھى لىدىرى گوجىيەلىن قاتارلقلاردىن ئومۇمىي قىمىتى 35 مىليون 580 مىڭ يۈەن قىممىتىدىكى پارىنى ئالغان . شۇنىڭ بىلەن لىيۇتېنەننىڭ قانۇنىي جاۋاپكارلىقى سۈرۈشتە قىلىنغان .

پۈتكۈل سوت جەريانىدا لىيۇتېنەن ئەيىبلىگۈچى تەرەپنىڭ ئەيىبگە قارشى تۇرۇپ ، بۇ ئىشلارنىڭ ھەممىسىنى ئۆزىنىڭ تەشەببۇسكارلىق بىلەن تاپشۇرغانلىقىنى تەكىتلىگەن . لېكىن ئەڭ ئاخىرقى ئۆزىنى ئاقلاش باسقۇچىدا ئۇ ئۆزىنى ئاقلاشتىن ۋاز كەچكەن . ئۇنىڭ بىلدۈرۈشىچە دۆلەت ۋە پارتىيەگە سالغان زېيىنى ئېغىر مىنىڭ ھېچقانداق ئۆزۈمنى ئاقلايدىغان يېرى يوق . ئۇ مۇنداق دېدى : مېنىڭ ھازىرقى تۇرمۇشىم ئېغىر ئازاب ۋە ئۆكۈنۈش ئىچىدە ئۆتىۋاتىدۇ . ئۇ سوتتىن ئازاپلىق ياشلىرىنى تۆكۈپ خوشلاشتى .