ئىگىلىنىشىچە، 25-مارتتىن 26-مارتقىچە موڭغۇلكۈرە بوز يەر ئۆزلەشتۈرۈش رايونىدا يامغۇر ئارىلاش قار يېغىپ، تېمپېراتۇرا 6 سېلتسىيە گىرادۇستىن 8 سېلتسىيە گىرادۇسقىچە تۆۋەنلەيدىكەن، تاغلىق رايونلاردا ئوتتۇرا ھال قار ياغىدىكەن.
2014-يىل موڭغۇلكۈرەنىڭ بوز يەر ئۆزلەشتۈرۈش رايونىدا قۇرغاقچىلىق يۈز بېرىپ، زىرائەت مەھسۇلاتلىرى زور دەرىجىدە كېمىيىپ كەتكەن ئىدى، بۇ قېتىملىق قار موڭغۇلكۈرە بوز يەر ئۆزلەشتۈرۈش رايونىغا يېتەرلىك سۇ تەمىنلەپ بېرىدىغان بولۇپ، بۇنىڭ بىلەن ئەتىيازلىق يەر تېرىشقا ياخشى شارائىت ھازىرلىنىدىكەن. ھازىرغىچە موڭغۇلكۈرە بوز يەر ئۆزلەشتۈرۈش رايونىدا ياغقان قارنىڭ قېلىنلىقى 5 سانتىمېتىرغا يەتكەن.